Уладзімір Іванавіч Буднік

Уладзімір Іванавіч Буднік
Уладзімір Іванавіч Буднік
Дата нараджэння	28 красавіка 1949
Месца нараджэння	Жыткавічы, Жыткавіцкі раён, Палеская вобласць, БССР, СССР;
Дата смерці	8 жніўня 2007 (58 гадоў)
Альма-матар	Гомельскі дзяржаўны каледж мастацтваў імя Н. Ф. Сакалоўскага; Беларуская дзяржаўная акадэмія музыкі;
Музычная дзейнасць
Прафесіі	кампазітар

Уладзімір Іва́навіч Бу́днік (28 красавіка 1949, Жыткавічы — 8 жніўня 2007) — беларускі кампазітар.

Біяграфія

Скончыў Гомельскае музычнае вучылішча імя Н. Сакалоўскага па класе баяна, Беларускую дзяржаўную кансерваторыю па класе кампазіцыі прафесара А. В. Багатырова.

Творчасць

Аўтар сімфоніі, кантаты, інструментальнай творчасці, шырока вядомы яго песні «Пах чабаровы», «Палессе», «Шумі, мой лес», «Зямля мая адзіная», «Вятры Палесся», «Маці-зямля», «Белая лілея», «Святло тваіх вачэй», «Водар чаромхі», «Я зачараваная табой», «Папараць-кветка», «Каця-Кацярына», «Ксеня», «Вечаровая песьня самотніцы», «Жаданае каханне» і іншыя. Лаўрэат прэміі Ленінскага камсамола Беларусі (1982), лаўрэат прэміі Федэрацыі прафсаюзаў Беларусі (1993), сябар саюза кампазітараў Беларусі (1977).

Уладзімір Буднік — аўтар шэрагу патрыятычных песняў. Вакальны твор «Янка Купала» меў поспех і на еўрапейскіх фестывалях.

Каля дваццаці вакальных твораў Уладзіміра Будніка змешчана на старонках «Звязды».

Асаблівасцямі песеннай спадчыны Уладзіміра Будніка з’яўляюцца выразнасць мелодый, эмацыйная непасрэднасць і нацыянальны каларыт.

Ушанаванне памяці

3 снежня 2007 года ў Белдзяржфілармоніі адбыўся канцэрт памяці беларускага кампазітара Уладзіміра Будніка.^[1]

Цікавыя факты

Песня «Янка Купала» ў сапраўднасці называецца «Веснавыя званы», напісаў яе кампазітар Уладзімір Буднік.

Зноскі

↑ Канцэрт памяці Ўладзімера Будніка (руск.)

Літаратура

Кніга «Памяць»: Гіст.-дакум. хроніка Жыткавіц. р-на/П15 Рэд.-укл. В. Р. Феранц. — Мн.: Ураджай, 1994. — 767 с., [8] л. іл. ISBN 5-7860-0614-X
Д.П. БУДНІК УЛАДЗІМІР (Будник Владимир, Budnik Uladzimir) // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 44–45. — 368 с. — 2 000 экз. — ISBN 978-985-6783-42-8.

Спасылкі

21.BY, Пах чабаровы Архівавана 27 студзеня 2012.

[1] Канцэрт памяці Ўладзімера Будніка (руск.)

[1]