Уільям Кемдэн

Уільям Кемдэн
William Camden
Партрэт Уільяма Кемдэна працы Маркуса Гірарта, 1609.
Дата нараджэння	2 мая 1551
Месца нараджэння	Лондан, Англія
Дата смерці	9 (19) лістапада 1623[…] (72 гады)
Месца смерці	Чызлхерст, Кент, Англія
Месца пахавання	Вэстмінстэрскае абацтва
Грамадзянства	Каралеўства Англія
Род дзейнасці	антыквар, геральдыст, пісьменнік, гісторык
Навуковая сфера	гісторык, археолаг
Месца працы	школа Вестмінстэр[d]
Альма-матар	Оксфардскі ўніверсітэт
Вядомыя вучні	Hugh Holland[d]
Вядомы як	аўтар «Britannia»
Медыяфайлы на Вікісховішчы

Уільям Кемдэн (англ.: William Camden) (2 мая 1551 — 9 лістапада 1623) — англійскі гісторык з г. зв. школы антыквараў і археолаг.

Асноўныя працы

Усё жыццё Кемдэн збіраў матэрыялы па гісторыі, геаграфіі і археалогіі Англіі. Вынікам яго шматгадовых даследаванняў было з’яўленне ў 1586 сачынення «Britannia, sive florentissimorum regnorum Angliae, Scotiae, Hiberniae et Insularum adjacentium ex intima antiquitate chorographica Descriptio». Гэткае сачыненне, за якое сучаснікі называлі Кемдэна «англійскім Страбонам», мела вялікі поспех і цягам чатырох гадоў вытрымала пяць выданняў (англійскі пераклад яго з’явіўся ў 1610, затым у 1695 і ў 1789, з істотнымі дапаўненнямі Richard Gough).

Іншыя працы Кемдэна: спіс эпітафій Вэстмінстэрскага абацтва (1600), збор старажытных хронік (Франкфурт, 1603), нарыс валадарання Лізавета I «Annales Rerum Gestarum Angliae et Hiberniae Regnante Elizabetha» (1615; перакладзены на англійскую і французскую мовы; лічыцца істотным матэрыялам для вывучэння валадарання Лізаветы) і інш. Каб ушанаваць заслугі Кемдэна, яго імем было названа гістарычнае таварыства (Camden Society), заснаванае ў 1838 з мэтай публікацыі нявыдадзеных матэрыялаў па гісторыі Англіі.

Спасылкі

• На Вікісховішчы ёсць медыяфайлы па тэме Уільям Кемдэн
• Britannia (1607) — лацінскі тэкст Кемдэна з англійскім перакладам Філемона Холанда.
• Annales (1615 і 1625) — лацінскі тэкст Кемдэна з англійскім перакладам.