Філіп I Філадэльф

Філіп I Філадэльф
Φίλιππος Α' Φιλάδελφος
Цар дзяржавы Селеўкідаў 95 — 83 да н.э.
Сумесна з	Антыёх X Еўсеб Філапатар (95 — 83 да н.э.), Антыёх XI Філадэльф (95 да н.э.), Дэметрый III Эўкер (95 — 88 да н.э.), Антыёх XII Дыяніс (87 — 84 да н.э.)
Папярэднік	Селеўк VI Епіфан Нікатар
Пераемнік	Тыгран II Армянскі
Нараджэнне	125 да н.э. Дзяржава Селеўкідаў
Смерць	83 да н.э.
Род	Дзяржава Селеўкідаў
Бацька	Антыёх VIII Грып
Маці	Трыфаена
Дзеці	Філіп II Філарамэй
Медыяфайлы на Вікісховішчы

Філіп I Філадэльф (стар.-грэч.: Φίλιππος Α' Φιλάδελφος) — цар часткі Сірыі (у 95 да н.э.—83 да н.э.) з дынастыі Селеўкідаў. Сын Антыёха VIII Грыпа.

Прыняў дыядэму ў 95 годзе да н.э. разам са сваім братам (магчыма, блізнём) Антыёхам XI Філадэльфам пасля перамогі Антыёха X Эўсебеса над старэйшым братам Філіпа Селеўкам VI Эпіфанам.

Пасля гэтага ўзнікла варожасць паміж Філіпам і яго малодшым братам Дэметрыем III Эўкерам, які кіраваў у Дамаску. Філіп вытрымаў некалькі нападаў Дэметрыя III, і ў 92 годзе да н.э. яму атрымалася ўсталяваць сваю ўладу ў Антыёхіі.

Пазней Дэметрый III быў захоплены парфянскім царом Мітрыдатам II, закліканым на дапамогу Філіпам, і памёр у няволі, а яго малодшы брат Антыёх XII Дыяніс абвясціў сябе царом у Дамаску. Падчас паходу Антыёха XII супраць набатэеў Філіп захапіў Дамаск.

Яго кіраванне скончылася ў 83 годзе да н.э., калі армянскі цар Тыгран II Вялікі далучыў частку тэрыторыі Селеўкідаў (або незадоўга да гэтага). З гэтага моманту ён знік з гістарычнай сцэны. Пазней рымскія ўлады адчаканілі манеты з яго партрэтам.

Спасылкі

• Рыжов К. Все монархи мира. Древняя Греция. Древний Рим. Византия
• Філіп I Філадэльф