Эдуард Штэтлер

Эдуард Штэлер
Eduard Stettler
Род дзейнасці	юрыст, дзеяч эсперанта-руху
Дата нараджэння	5 лютага 1880(1880-02-05)
Месца нараджэння	Берн, Швейцарыя
Дата смерці	21 кастрычніка 1940(1940-10-21) (60 гадоў)
Месца смерці	Берн, Швейцарыя
Грамадзянства	Швейцарыя
Член у	Швяйцарскае эсперанта-таварыства[d] Сусветная арганізацыя эсперанта
Узнагароды і прэміі	Honorary President of the World Esperanto Association[d]
Медыяфайлы на Вікісховішчы

Эдуард Штэтлер (ням.: Eduard Stettler, 1880—1940) — швейцарскі юрыст і дзеяч міжнароднага эсперанта-руху.

Біяграфія

Нарадзіўся ў Берне,паходзіў са старажытнага знатнага швейцарскага роду, атрымаў юрыдычную адукацыю. Мову эсперанта вывучыў у 1908 годзе, і ў 1909 годзе далучыўся да працы Сусветнай асацыяцыі эсперанта (UEA), у 1911 годзе стаў намеснікам дырэктара UEA (гэтую пасаду ў той час займаў Гектор Ходлер) і займаў гэтую пасаду да 1919 года. Як юрыст, ён бачыў слабыя месцы ў арганізацыі міжнароднага эсперанта-руху і пісаў шматлікія артыкулы па гэтых пытаннях. У 1919—1920 гадах быў дырэктарам, а ў 1920-1924 гадах — прэзідэнтам UEA. У 1924 годзе пакінуў пасаду прэзідэнта з-за цяжкай хваробы, і быў абраны ганаровым прэзідэнтам UEA. Зноў абраны прэзідэнтам UEA ў 1928 годзе і займаў гэты пост да 1934 года. У 1934 годзе на 26-м сусветным кангрэсе эсперантыстаў у Стакгольме сышоў у адстаўку ў знак пратэсту супраць неабрання шэрагу яго калегаў у новы склад камітэтаў Асацыяцыі. Двойчы абіраўся прэзідэнтам швейцарскай асацыяцыі эсперантыстаў. Распрацаваў Статуты UEA 1920 і 1934 гадоў, аўтар біяграфіі Г.Ходлера, шэрагу літаратурных перакладаў і вялікай колькасці артыкулаў у часопісе Esperanto.

Памёр у Берне ў 1940 годзе.

Спасылкі

• Біяграфія Э. Штэтлера ў Энцыклапедыі эсперанта (эсп.)