Якаў Сямёнавіч Смальгоўскі

Якаў Сямёнавіч Смальгоўскі
Дата нараджэння	29 верасня 1941(1941-09-29) (83 гады)
Месца нараджэння	Фергана, Ферганскі вілает, Узбекская ССР, СССР
Альма-матар	Мінскі будаўнічы тэхнікум (1960) БПІ (1968)
Месца працы	Белдзяржпраект
Партыя	КПСС
Член у	Саюз архітэктараў СССР Беларускі саюз архітэктараў

Якаў Сямёнавіч Смальгоўскі (29 верасня 1941, Фергана, Узбекская ССР) — беларускі архітэктар.

Біяграфія

Скончыў у 1960 годзе Мінскі архітэктурна-будаўнічы тэхнікум, у 1968 годзе Беларускі політэхнічны інстытут. З 1964 года — тэхнік-архітэктар — галоўны архітэктар праектаў у Белдзяржпраекце.

Член Саюза архітэктараў СССР з 1971 года. Член КПСС з 1963 года. Пражывае ў г. Мінск.

Творчасць

Палац культуры вобласці

Вылічальны цэнтр статупраўлення Брэсцкай вобласці

Асноўныя працы: сталовая Магілёўскага тэхналагічнага інстытута (1974), 9-павярховыя жылыя дамы па праспекце Шміта (1975), Непакорных (1977) у Магілёве; у аўтарскім калектыве: Палац культуры з глядзельнай залай на 1200 месцаў МВА «Хімвалакно» імя Леніна (1977), 7-павярховы жылы дом па праспекце Пушкіна (1980), абласны аптэчны склад па вуліцы Паўлава (1981) у Магілёве, 9-павярховы жылы дом па вуліцы Горкага (1983), вытворчы будынак Цэнтральнага інстытута тыпавых праектаў і іншых арганізацый Дзяржбуда БССР (1987—1989), гарадскі аптэчны склад па вуліцы Сцебянёва (1983) у Мінску, Вылічальны цэнтр статупраўлення Брэсцкай вобласці па Маскоўскай вуліцы ў Брэсце (1987).

Літаратура

• Смольговский Яков Семенович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)