Імавернасць

Просты прыклад: імавернасць таго, што на кубіку выпадзе лік «5», роўная 1/6

Імавернасць (імавернасная мера) — лікавая мера магчымасці наступлення пэўнай падзеі.

З практычнага пункту гледжання, імавернасць падзеі — гэта адносіна колькасці тых назіранняў, пры якіх разглядаемая падзея наступіла, да агульнай колькасці назіранняў. Такое вытлумачэнне дапушчальна ў выпадку дастаткова вялікай колькасці назіранняў ці вопытаў. Напрыклад, калі сярод сустрэтых на вуліцы людзей прыкладна палова — жанчыны, то можна сцвярджаць, што імавернасць таго, што сустрэты на вуліцы чалавек будзе жанчынай, роўная 1/2. Іншымі словамі, ацэнкай імавернасці падзеі можа служыць частата яго наступлення ў працяглай серыі незалежных паўтарэнняў выпадковага эксперымента.

Згодна з азначэннем П'ера-Сімона Лапласа, мерай імавернасці называецца дроб, лічнік якой ёсць лік усіх удачных выпадкаў, а назоўнік — лік усіх роўнамагчымых выпадкаў.

Гл. таксама

• Тэорыя імавернасцей
• Рызыка
• Формула поўнай імавернасці
• Формула Бернулі
• Умоўная імавернасць
• Выпадковая велічыня
• Выпадковасць
• Квантавая імавернасць
• Імавернасць пераходу
• Парадокс заканамернасці