Антуан Мартэль

Антуан Мартэль
Дата нараджэння	2 лютага 1899(1899-02-02)
Месца нараджэння	Бом-ле-Дам[d], дэпартамент Ду, Q60846019?, Францыя
Дата смерці	12 кастрычніка 1931(1931-10-12) (32 гады)
Месца смерці	Бом-ле-Дам[d], дэпартамент Ду, Q60846019?, Францыя
Род дзейнасці	славіст
Месца працы	Лільскі ўніверсітэт
Медыяфайлы на Вікісховішчы

Антуа́н Мартэ́ль (фр.: Antoine Martel; 1899—1931) — французскі мовазнаўца, славіст, прафесар універсітэта ў Лілі (Францыя).

Біяграфія

Копія тытульнай старонкі «La langue polonaise dans les pays ruthènes: Ukraine et Russie Blanche 1569—1667». Зроблена з асобніка, які захоўваецца ў Беларускай бібліятэцы і музеі імя Францішка Скарыны, Лондан.

Антуан Мартэль прытрымліваўся левых хрысціянскіх ідэй. Ён цікавіўся і працаваў з культурамі і мовамі Усходняй Еўропы, і выдатна валодаў польскай і рускай мовамі, а таксама вывучаў і валодаў украінскай і беларускай. У 20-я гады XX стагоддзя ён быў адным з першых у Францыі даследчыкаў, хто ўжыў комплексны аўтаномны падыход да вывучэння ўкраінскай і беларускай моў, якімі цікавіўся перадусім у гістарычнай перспектыве. Хоць асноўныя працы даследчыка прысвечаныя польскай і рускай мовам, Антуан Мартэль досыць поўна аналізуе ў іх сітуацыю з старабеларускай і стараўкраінскай мовамі, якія называе «рутэнскай мовай».

У беларускім кантэксце асабліва цікавая і важная праца — «La langue polonaise dans les pays ruthènes: Ukraine et Russie Blanche 1569/1667» (бел.: Польская мова ў краінах Рутэніі: Украіна і Белая Расія 1569/1667), якая выйшла пасмяротна.

Мовазнаўца памёр ад сухотаў у 1931 годзе.

Галоўныя працы

• La langue polonaise dans les pays ruthènes: Ukraine et Russie Blanche 1569/1667. — Lille 1938.
• Michel Lomonosov et la langue litteraire russe. — 1933.

Спасылкі

• Гарбацкі, У. Франкамоўная беларусіка лонданскай Скарынаўкі. «Новы час», 31 студзеня 2016.