Вера Аляксандраўна Сізко
Вера Аляксандраўна Сізко | |
---|---|
Дата нараджэння | 2 сакавіка 1916 |
Месца нараджэння | |
Дата смерці | 25 сакавіка 1999 (83 гады) |
Грамадзянства | |
Род дзейнасці | педагог |
Навуковая сфера | музыказнаўства |
Месца працы | |
Альма-матар | |
Узнагароды |
Вера Аляксандраўна Сізко́[1] (у дзявоцтве Гадлеўская; 2 сакавіка 1916 — 25 сакавіка 1999) — беларускі музыказнавец, музычны крытык, педагог, даследчык беларускага опернага мастацтва, творчасці беларускіх кампазітараў.
Біяграфія[правіць | правіць зыходнік]
Нарадзілася ў Верхнядзвінску. Скончыла Мінскі музычны тэхнікум і ў 1940 годзе паступіла вучыцца ў Беларускую дзяржаўную кансерваторыю[2]. У час Вялікай Айчыннай вайны была эвакуіравана ў Свярдлоўск, потым у Ташкент[2]. У Ташкенце В. А. Сізко паступіла ў Ленінградскую кансерваторыю, якую скончыла ў 1948 годзе ў Ленінградзе і атрымала дыплом гісторыка-педагога[2]. У 1948—1952 і 1954—1957 гадах выкладала гісторыю рускай музыкі і загадвала вучэбнай часткай у Беларускай дзяржаўнай кансерваторыі імя А. В. Луначарскага і адначасова ў 1948—1974 гадах (з перапынкам)[1] у Мінскім музычным вучылішчы імя М. І. Глінкі. У 1959—1964 гадах працавала на Беларускім радыё: мастацкі кіраўнік, галоўны рэдактар музычнага вяшчання, старшыня музычна-рэпертуарнай камісіі[1]. У 1974—1989 гадах выкладала ў Беларускім тэатральна-мастацкім інстытуце[1]. У 1973—1976 гадах займала пасаду адказнага сакратара Саюза кампазітараў БССР[2].
Навуковая і творчая дзейнасць[правіць | правіць зыходнік]
Займалася даследаваннем беларускага опернага мастацтва, творчасці беларускіх кампазітараў, пытаннямі развіцця беларускай музычнай культуры. Публікавала рэцэнзіі на творы беларускіх кампазітараў. Складальнік зборніка артыкулаў пра Р. Шырму, зборніка песень «Спадчына» на вершы Янкі Купалы і Якуба Коласа. Аўтар музычных радыё- і тэлевізійных перадач.
Сярод публікацый:
- Белорусская советская опера. — Мн., 1959.
- И. М. Лученок // Они пишут для детей. Вып. 3. — М., 1980.
- Свет духоўнай музыкі // Мастацтва Беларусі. 1999, № 10.
Зноскі
- ↑ а б в г БелЭн 2002.
- ↑ а б в г Выставка «Верой и правдой» к 100-летию со дня рождения В. А. Сизко Архівавана 28 снежня 2021. (руск.) // Беларуская дзяржаўная акадэмія музыкі
Літаратура[правіць | правіць зыходнік]
- Сізко Вера Аляксандраўна // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 372. — 10 000 экз. — ISBN 985-11-0035-8. — ISBN 985-11-0238-5 (т. 14).
Спасылкі[правіць | правіць зыходнік]
- Сізко Вера Аляксандраўна на сайце анлайн-энцыклапедыі «Беларусь у асобах і падзеях»
- Сізко, Вера Аляксандраўна (музыказнавец; 1916—1999) // Зводны электронны каталог бібліятэк Беларусі
- Выставка «Верой и правдой» к 100-летию со дня рождения В. А. Сизко Архівавана 28 снежня 2021. (руск.) // Беларуская дзяржаўная акадэмія музыкі
- Нарадзіліся 2 сакавіка
- Нарадзіліся ў 1916 годзе
- Нарадзіліся ў Верхнядзвінску
- Памерлі 25 сакавіка
- Памерлі ў 1999 годзе
- Выкладчыкі Беларускай дзяржаўнай акадэміі музыкі
- Выкладчыкі Беларускай акадэміі мастацтваў
- Выкладчыкі Мінскага дзяржаўнага музычнага каледжа імя М. І. Глінкі
- Выпускнікі Мінскага дзяржаўнага музычнага каледжа імя М. І. Глінкі
- Выпускнікі Санкт-Пецярбургскай кансерваторыі
- Узнагароджаныя Ганаровай граматай Прэзідыума Вярхоўнага Савета БССР
- Асобы
- Вучоныя паводле алфавіта
- Музыказнаўцы СССР
- Музыказнаўцы Беларусі
- Музычныя крытыкі СССР
- Музычныя крытыкі Беларусі
- Музычныя педагогі СССР