Дайнава (Пухавіцкі раён)

Вёска Дайнава Краіна Беларусь Вобласць Мінская Раён Пухавіцкі Сельсавет Навасёлкаўскі Каардынаты 53°30′58″ пн. ш. 28°06′35″ у. д. Часавы пояс UTC+3 Тэлефонны код +375 1713 Паштовыя індэксы 222838 Аўтамабільны код 5 Дайнава на карце Беларусі ±

Дайнава́ (трансліт.: Dajnava, руск.: Дайнова) — вёска ў Пухавіцкім раёне Мінскай вобласці. Уваходзіць у склад Навасёлкаўскага сельсавета.

Геаграфія

Знаходзіцца за 3 кіламетры на паўночны захад ад Мар’інай Горкі і ад чыгуначнай станцыі Пухавічы на лініі Мінск-Ачіповічы, на рацэ Цітаўка.

Назва

Тапонім звязаны з назвай яцвяжскага племені Дайнава. На тэрыторыі паўночна-заходняй часткі цяперашняй Беларусі «дайноўскіх» назваў багата (Дайноўка, Дайнава і інш.), але гэтая Дайнава — найбольш вынесеная на ўсход.

У пэўны гістарычны час (мяркуецца, XV стагоддзе) гэтую назву сюды, пад Мар’іну горку, прынеслі перасяленцы з захаду. Пра гэта сведчыць таксама тапонім «Ваўкавыск» — так называецца вёска па дарозе са Смілавічаў на Чэрвень, гэта за 27 км на поўнач ад Дайнавы.

Яшчэ адна вынесеная на ўсход "Дайнава" — былы хутар (цяпер не існы) на поўначы ад Менску (каля вёскі Касынь), а каля яго вёска Ашмянцы. Яшчэ адна "Дайнава" (таксама не існуе) была каля Радашковічаў.

Гісторыя

Пад уладай Расійскай імперыі

У 1816 г. уласнасць Ратынскіх. На пачатку XX ст. у Навасёлкаўскай воласці Ігуменскага павета Мінскай губерні.

Найноўшы час

У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.

25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

У Другую сусветную вайну з канца чэрвеня 1941 да 3 ліпеня 1944 года акупаваная нацысцкай Германіяй.

Насельніцтва

• 1816 — 60 двароў, 340 жыхароў.
• 1897 — 132 двары, 732 жыхары.
• пачатк XX ст. — 121 двор, 1073 жыхары.
• 1917 — 200 двароў, 1037 жыхароў.
• 1 студзеня 2002 — 81 двароў, 193 жыхары.

Славутасці

• Курганны могільнік — за 1,2 км на паўднёвым ўсход ад вёскі.

Вядомыя асобы

• Уладзімір Рунцэвіч (1953) — беларускі паэт, член «Саюза пісьменнікаў Беларусі» з 2015 года

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх