Горад Чарнобыль
Чарнобыль (укр.: Чорно́биль - быльнёг, палын) — горад раённага значэння ў Кіеўскай вобласці Украіны.
Чарнобыль размешчаны на рацэ Прыпяць, недалёка ад яе ўпадзення ў Кіеўскае вадасховішча.
Сумна вядомы з-за Чарнобыльскай аварыі (1986 год). Да аварыі ў горадзе пражывала 12500 чалавек. У цяперашні час у горадзе пражываюць толькі работнікі устаноў і прадпрыемстваў Зон адчужэння і безумоўнага гарантаванага адсялення Чарнобыльскай АЭС (працуюць на вахтавай аснове) і самасёлы.
[правіць] Гісторыя
Першае згадванне Чарнобыля ставіцца да падзеяў 1193 года. Пасля Люблінскай уніі горад перайшоў пад кантроль Польшчы.
У сярэдзіне XV стагоддзя, калі гэтыя землі кантралявала Вялікае Княства Літоўскае, па суседстве з Чарнобылем быў пабудаваны замак, аддзелены ад селішча глыбокім ровам, якія захаваліся да нашых дзён. У пачатку XVI стагоддзя замак быў рэканструяваны, пераўтвораны ў добра умацаваную і цяжкадаступную крэпасць, а горад Чарнобыль стаў павятовым цэнтрам.
У другой палове 18 стагоддзя горад становіцца адным з цэнтраў хасідызму. Падчас Грамадзянскай вайны быў месцам баёў. Польская абшчына выселеная ў Казахстан у 1936, яўрэйская — знішчана ў 1941-44.
У 1970-х у 10 км на поўнач ад горада збудаваная першая на Украіне атамная электрастанцыя.
У 1985 была ўведзеная ў строй загарызонтная РЛС «Дуга» (аб'ект Чарнобыль-2).
26 красавіка 1986 на чацвёртым энергаблоку Чарнобыльскай АЭС адбылася аварыя, якая стала самай вялікай катастрофай у гісторыі атамнай энергетыкі.
