Джэйкаб Джозеф Лью

Джэйкаб Джозеф Лью
76-ы міністр фінансаў ЗША 2013 — 2017
Прэзідэнт	Барак Абама
Нараджэнне	29 жніўня 1955(1955-08-29) (68 гадоў) Нью-Ёрк, Нью-Ёрк, ЗША
Веравызнанне	Артадаксальны іўдаізм[d]
Партыя	Дэмакратычная партыя ЗША
Член у	Амерыканская акадэмія мастацтваў і навук
Адукацыя	Карлтан-Каледж[d] Гарвардскі ўніверсітэт Цэнтр права Джорджтаўнскага ўніверсітэта[d] Джорджтаўнскі ўніверсітэт Гарвардскі каледж Lindsay Goldberg[d]
Дзейнасць	адвакат, выкладчык універсітэта, палітык
Месца працы	Нью-Ёркскі ўніверсітэт Citigroup[d] Van Ness Feldman[d] Міністэрства фінансаў ЗША Калумбійскі ўніверсітэт
Аўтограф
Узнагароды	член Амерыканскай акадэміі мастацтваў і навук (2022)
Медыяфайлы на Вікісховішчы

Джэйкаб Джозеф Лью (англ.: Jacob Joseph «Jack» Lew; нар. 29 жніўня 1955, Нью-Ёрк, ЗША) — амерыканскі палітык, кіраўнік адміністрацыі прэзідэнта ЗША са студзеня 2012 па студзень 2013, член Дэмакратычнай партыі.

10 студзеня 2013 прэзідэнт ЗША Барак Абама намінаваў кандыдатуру Джэйкаба Лью на пасаду міністра фінансаў ЗША, паколькі цяперашні міністр Цімаці Гайтнер сыходзіць са сваёй пасады. Сенат ЗША зацвердзіў кандыдатуру Джэйкаба Лью на сваім пасяджэнні 27 лютага 2013.

Біяграфія

Нарадзіўся ў артадаксальнай габрэйскай сям’і. Яго бацька, юрыст па прафесіі і заўзяты букініст, дзіцем прыехаў з сям’ёй у ЗША з Польшчы. Лью вучыўся ў сярэдняй школе Forest Hills ў Нью-Ёрку і ў каледжы «Карлтон» у Мінесоце. У 1978 годзе скончыў Гарвардскі каледж, ў 1983 годзе — юрыдычную школу пры Універсітэце Джорджтаўн.

У 1974—1975 гадах Лью працаваў памочнікам кангрэсмена-дэмакрата Джона Моаклі, затым — дарадцам спікера Палаты прадстаўнікоў Тыпу О’Ніла. У яго паслужным спісе праца ў юрыдычнай кампаніі Van Ness, Feldman and Curtis, Даследчым цэнтры Блізкага Ўсходу, Дэмакратычным нацыянальным камітэце Campaign 88, а таксама ў Цэнтры менеджменту і бюджэту ў Бостане.

У 2009—2010 гадах Лью працаваў сакратаром дэпартамента кіравання і рэсурсаў, у 1998—2000 і ў 2008—2010 гадах быў кіраўніком адміністрацыйна-бюджэтнага кіравання (пры Клінтан і пры Абаме).