Джэміла

З пляцоўкі Вікіпедыя.
Перайсці да: рух, знайсці
Джэміла
Djémila
*
**
Сусветная спадчына ЮНЕСКА

Djemila, Algeria.jpg
Арка імператара Каракалы
Краіна Сцяг Алжыра Алжыр
Тып Культурны
Крытэрыі iii, iv
Спасылка 191
Рэгіён*** Арабскія краіны
Гісторыя ўключэння
Уключэнне 1982  (6-я сесія)
* Міжнародная канвенцыя «ЮНЕСКА»
** Назва ў афіцыйным англ. спісе
*** Рэгіён па класіфікацыі ЮНЕСКА

Джэміла (араб.: جيميلة, лац.: Cuicul) — старажытны рымскі горад, руіны якога размешчаны ў сучасным Алжыры і з 1982 года ўваходзяць у спіс Сусветнай спадчыны ЮНЕСКА. Джэміла знаходзіцца на вышыні 900 м у вілаеце Сеціф. Паселішча размешчана на горным хрыбце паміж двума вадзі. Сваім дабрабытам ў антычную эпоху горад быў абавязаны сельскай гаспадарцы, бо Алжыр дзякуючы больш вільготнаму клімату лічыўся «жытніцай» Рыма.

У нашы дні захаваліся форум, храм, хрысціянскія базілікі, трыумфальная арка і жыллё. Горад лічыцца ўзорам рымскай планіроўкі горадабудаўніцтва, прыстасаванай да горнай мясцовасці. У Джэміле былі тэрмальныя лазні, капітолій і тэатр. Храм, прысвечаны імператару Септымію Северу (193-211) і яго жонцы Юліі Домне, захаваўся ў добрым стане. Сынам Септымія Севера быў імператар Каракале (211-217), пры якім была пабудавана трыумфальная арка.

Магчыма, горад быў заснаваны ў час кароткага праўлення імператара Нервы паміж 96 і 98 гадамі. Пазней ён быў заваяваны вандаламі. У 533 годзе яго адваявалі візантыйцы, але неўзабаве ён быў пакінуты.

Першыя раскопкі пачаліся ў 1909 годзе. Археалагічным каштоўнасцям сёння пагражаюць пясчаныя буры і крадзеж каменя навакольным насельніцтвам на пабудову жылля.

Спасылкі[правіць | правіць зыходнік]