Замак Юсэ

З пляцоўкі Вікіпедыя
Перайсці да: рух, знайсці
Замак
Юсэ
Château d'Ussé
UsseSchloss.jpg
Каардынаты: 47°14′59″ пн. ш. 0°17′28″ у. д. / 47.249722° пн. ш. 0.291111° у. д. (G) (O) (Я)47°14′59″ пн. ш. 0°17′28″ у. д. / 47.249722° пн. ш. 0.291111° у. д. (G) (O) (Я)
Краіна Францыя
Дата заснавання 15 стагоддзе
Сайт Афіцыйны сайт

Юсэ (Францыя)
Юсэ
Юсэ

Замак Юсэ (фр.: Château d'Ussé) — сярэднявечны замак на рацэ Эндр, размешчаны ў даліне Луары, у французскім дэпартаменце Эндр і Луара.

Замак быў пабудаваны на зыходзе эры готыкі, у XV стагоддзі, сеньёрам д’Юсэ з роду дэ Бюэй. У 1460-я гады ў замку жылі яго сын Антуан з жонкай Жаннай — пазашлюбнай дачкой Карла VII і Агнэсы Сарэль. У 1485 г. сядзіба была прададзена за 40 000 залатых экю прыдворнаму Жаку д’Эпінэ, які аднавіў будаўнічыя працы. Апошні камень быў выкладзены будаўнікамі ў 1538 годзе.

Пры Людовіку XIV сядзібай валодаў цесць знакамітага Вабана, які часта наязджаў у гэтыя краі. Лічыцца, што менавіта гэты замак Ш. Перо апісаў у казцы «Спячая прыгажуня». Да часу Вабана адносіцца стварэнне рэгулярнага парку (меркавана, да яго праектавання прыклаў руку сам Ленотр).

У XVIII стагоддзі замкам валодаў дом Раганаў. У 1807 г. яго набыў герцаг дэ Дзюра. Пры Напалеоне тут тайна збіраліся раялісты, які рыхтавалі аднаўленне Бурбонаў на прастоле. Шатабрыян па запрашэнні Клер дэ Дзюра пісаў у замку «Замагільныя запіскі». З 1885 года замкам валодаюць герцагі дэ Блака.

Па прапанове Праспера Мерымэ замак Юсэ быў у 1861 годзе занесены ў дзяржаўны пералік гістарычных помнікаў Францыі.

Гл. таксама[правіць | правіць зыходнік]

Литература[правіць | правіць зыходнік]

  • Jean Vallery-Radot, Le Château et l'ancienne Collégiale d'Ussé, 1949.

Спасылкі[правіць | правіць зыходнік]

Шаблон:Замкі Луары