Луі Армстранг

Луі Армстранг
Асноўная інфармацыя
Поўнае імя	Луі Дэніэл Армстранг
Дата нараджэння	4 жніўня 1901(1901-08-04)
Месца нараджэння	Новы Арлеан, Луізіяна, ЗША
Дата смерці	6 ліпеня 1971(1971-07-06) (69 гадоў)
Месца смерці	Куінс, Нью-Ёрк, ЗША
Гады актыўнасці	1914—1971
Краіна	ЗША
Прафесіі	музыкант
Інструменты	Труба
Жанры	джаз
Псеўданімы	Satchmo, Pops
Louisarmstronghouse.org
Луі Армстранг на Вікісховішчы

Луі Дэніэл Армстранг (англ.: Louis Daniel Armstrong; 4 жніўня 1901, Новы Арлеан — 6 ліпеня 1971, Нью-Ёрк), амерыканскі джазавы музыкант (труба, кларнет) і спявак, кіраўнік ансамбля. Аказаў вялікі ўплыў на развіццё джазу і яго папулярызацыю ва ўсім свеце.

У маладосці вучыўся ў вулічных музыкантаў, спяваў у хоры, іграў у барах, выступаў з рознымі джазавымі аркестрамі. Арганізатар і ўдзельнік першых негрыцянскіх джаз-бэндаў у Новым Арлеане. У 1947 заснаваў джазавы секстэт «Усе зоркі Луі Армстранга», гастраліраваў з ім як саліст-трубач у многіх краінах Амерыкі, Еўропы, Азіі, Афрыкі. Стварыў уласны непаўторны стыль выканання, для якога характэрны надзвычайная віртуёзнасць, імправізацыйная свабода, разнастайнасць тэмбравых формаў і рытмаформул. Перанёс некалькі аперацый на галасавых звязках. Аўтар многіх блюзавых і джазавых песень. Выступаў з многімі вядомымі музыкантамі і спевакамі (Б. Сміт, Э. Фіцджэральд і інш.). Адносіцца да ліку найбольш славутых музыкантаў Амерыкі ХХ ст. Здымаўся ў многіх (звыш 50) музычных і мастацкіх фільмах. Выканаў (разам з Э. Фіцджэральд) джазавую версію оперы Дж. Гершвіна «Поргі і Бэс». Апублікаваў некалькі аўтабіяграфічных кніг.

Літаратура

• Культуралогія: Энцыкл. даведнік / Уклад. Э. Дубянецкі. — Мн.: БелЭн, 2003. ISBN 985-11-0277-6

Спасылкі

• На ВікіСховішчы ёсць медыяфайлы па тэме Луі Армстранг
• Луі Армстранг(англ.)  на сайце Discogs
• Луі Армстранг(англ.)  на сайце MusicBrainz
• Луі Армстранга на Last.fm