Роўэн Аткінсан

Роўэн Аткінсан Rowan Atkinson
Роўэн Аткінсан на прэм'еры фільма «Агент Джоні Інгліш: Перазагрузка» у верасні 2011 года
Імя пры нараджэнні:	Роўэн Себасціян Аткінсан
Дата нараджэння:	6 студзеня 1955(1955-01-06) (58 гадоў)
Месца нараджэння:	Консет, Дарэм, Вялікабрытанія
Грамадзянства:	Вялікабрытанія
Прафесія:	акцёр, сцэнарыст, пісьменнік, прадзюсар
Кар'ера:	з 1979
Кірунак:	камедыя
IMDb:	ID 0000100
Узнагароды:	BAFTA (1989)

Роўэн Себасцьян Аткінсан (англ.: Rowan Sebastian Atkinson; нар. 6 студзеня 1955 г., Консет, Дарэм) — англійскі акцёр-комік, найбольш вядомы ў свеце роляй містэра Біна ў аднайменным тэлесерыяле. Лаўрэат прэміі BAFTA (1989).

Біяграфія

Роўэн Аткінсан нарадзіўся 6 студзеня 1955 года ў горадзе Консет, графства Дарэм, Англія, у сям'і фермера Эрыка Аткінсана і дырэктары буйнай кампаніі Элы Мэй. У сям'і таксама раслі тры старэйшых брата Роўэна — Пол (сканаў у маленстве), Родні і Руперт.

Будучы акцёр вучыўся ў школах Чорыстэр і Сэнт-Біс. У 1975 годзе скончыў Ньюкаслскі ўніверсітэт.

Кар'ера Аткінсана ў якасці акцёра пачалася ў 1978 годзе, калі Роўэн стаў вядучым, сцэнарыстам і асноўным акцёрам радыёшоу «The Atkinson People».

У 1990 годзе стартаваў паказ тэлесерыяла «Містар Бін», пасля галоўнай ролі ў якім Аткінсан праславіўся на ўвесь свет. Серыял карыстаўся вялізнай папулярнасцю, адна серыя збірала каля тэлевізараў, у сярэднім, 20 мільёнаў чалавек.

Сям'я

З 1990 года Роўэн Аткінсан жанаты на грымёрцы Санэтры Сэстры. Вяселле адсвяткавалі двойчы: спачатку ў сакрэце ад усіх у Нью-Ёрку ў рэстаране «Руская чайная», а праз тыдзень замовілі за 10 тысяч фунтаў залу на 80 асоб у рэстаране раскошнага лонданскага атэля «Savoy». У пары ёсць двое дзяцей — сын Бен і дачка Лілі.

Спасылкі

• На ВікіСховішчы ёсць медыяфайлы па тэме Роўэн Аткінсан
• Роўэн Аткінсан на сайце IMDB