Стадыён «Цэнтральны», Гомель

З пляцоўкі Вікіпедыя
Перайсці да: рух, знайсці

Каардынаты: 52°26′11.98″ пн. ш. 31°00′45.28″ у. д. / 52.436661° пн. ш. 31.012578° у. д. (G) (O) (Я)

Стадыён «Цэнтральны»
Стадион "Центральный" (Гомель).JPG UEFA Nuvola apps mozilla.svgNuvola apps mozilla.svgNuvola apps mozilla.svg
Месцазнаходжанне Сцяг Беларусі Беларусь,
Сцяг Гомеля Гомель, пл. Паўстання, 1
Пабудаваны 2003-2006 (рэканструкцыя)
Адкрыты 2004
Уладальнік Гомельскі ЦСК
Умяшчальнасць 14 307
Хатняя каманда «Гомель»
Памеры поля 105×68 м
Пакрыццё натуральнае з падагрэвам
Стадыён «Цэнтральны» (Гомель)
Стадыён «Цэнтральны»
Стадыён «Цэнтральны»

«Цэнтральны» — футбольны стадыён, размешчаны ў Гомелі, Беларусь. З'яўляецца хатнім стадыёнам футбольнага клуба «Гомель». Стадыён разлічаны на 14 307 чалавек.

Структура стадыёна[правіць | правіць зыходнік]

Пасля рэканструкцыі 20032006 гадоў стадыён умяшчае 14300 гледачоў, мае тры крытыя трыбуны і адказвае патрабаванням УЕФА, што дазваляе праводзіць на ім матчы Лігі Чэмпіёнаў і афіцыйныя гульні зборнай. Памеры поля — 105×68 м, усталяваны падагрэў, а над стадыёнам — асвятляльныя мачты. Усталявана светладыёднае відэатабло памерамі 10×6 метраў.

Месцазнаходжанне[правіць | правіць зыходнік]

Стадыён размяшчаецца на плошчы Паўстання, недалёка ад Гарадскога цырка і побач са швейнай фабрыкай «8 сакавіка».

Гісторыя[правіць | правіць зыходнік]

Будаўніцтва і раннія гады[правіць | правіць зыходнік]

На тэрыторыі сучаснага стадыёна ў канцы XIX стагоддзя была пустэч, на месцы якой потым размяшчаліся іпадром, стайні. Крыху пазней на месцы іпадрома быў пабудаваны велатрэк, які належаў пажарнаму таварыству Гомеля. Сам жа комплекс уключаў не толькі трэк, але і амфітэатр, плошчу.

У 1920-я гады ў Гомелі з'явілася першая футбольная каманда — «Чыгуначнік». Тады ж таварыства «Дынама» пачало будаўніцтва стадыёна. У стадыёна было шмат назваў: «Школьны», «Спартак», «імя Кірава», «Гомсельмаш».

Цікавы выпадак адбыўся ў 1930-х гадах: савецкі лётчык рабіў аэрафотаздымкі горада, і выпадкова ў кадр трапіў стадыён. Тэрыторыя ў той час лічылася сакрэтным аб'ектам, лётчыка абвінавацілі ў шпіянажы і расстралялі.

Рэканструкцыя[правіць | правіць зыходнік]

У 1990-х гадах было вырашана правесці капітальную рэканструкцыю арэны. На той час стадыён быў яшчэ драўляным. У канцы 1990-х былі праведзены апошнія гульні на стадыёне, і ў 1999 ён быў зачынены. Стары стадыён быў поўнасцю знесены, і пачалося будаўніцтва новай арэны.

У 2003 годзе было створана прадпрыемства «Гомельскі цэнтральны спартыўны комплекс», якое стала ўладальнікам стадыёна. Праз год была здадзена ў эксплуатацыю першая чарга стадыёна: паўднёвыя трыбуны, контуры ўсходніх. 2 мая 2004 года быў праведзены першы матч на новым стадыёне (які быў зроблены бясплатным), тады «Гомель» прымаў віцебскі «Лакаматыў». У той час на стадыёне не было заходняй трыбуны, і тэрыторыю будаўніцтва зачынялі флагштокамі. На матчы была сур'ёзная цісканіна, міліцыі даводзілася ўсталёўваць дадатковыя кардоны.

Наступная чарга будаўніцтва скончылася ў 2006 годзе, а канчаткова стадыён быў здадзены ў эксплуатацыю ў лістападзе 2008 года.

Сучаснасць[правіць | правіць зыходнік]

Пасля рэканстукцыі «Цэнтральны» стаў адной з самых сучасных арэн у Беларусі. Да таго ж, гэта быў адзіны (акрамя мінскай «Дарыды») выключна футбольны стадыён (без бегавых дарожак).

13 кастрычніка 2007 года стадыён прыняў свой першы матч нацыянальнай зборнай Беларусі, у якім Беларусь саступіла Люксембургу з лікам 0:1. У 2013 годзе, пасля закрыцця на рэканструкцыю мінскага стадыёна «Дынама», «Цэнтральны» стаў асноўным стадыёнам, дзе зборная праводзіла сустрэчы адборнага турніру да чэмпіянату свету 2014. З 2014 года асноўнай арэнай зборнай стала новаадчыненая Барысаў-Арэна.

У 2012 у рамках трэцяга адборачнага раўнда Лігі Еўропы стадыён прымаў матч «Гомеля» з англійскім «Ліверпулам». Для падрыхтоўкі да матчу газон на краях поля быў тэрмінова заменены на штучны.

29 студзеня 2015 года на пасяджэнні БФФ было вырашана правесці фінал Кубка Беларусі 2015 на стадыёне «Цэнтральны»[1].

Зноскі

Спасылкі[правіць | правіць зыходнік]