Сфрагістыка

Сфрагістыка, радзей сігілаграфія (адпаведна, ад грэч. ςφραγις і лац.: sigillum: «пячатка» і грэч. γραφω «пішу», т.ч., апісанне пячатак): спецыяльная гістарычная дысцыпліна, якая займаецца вывучэннем пячатак, пад якімі тут разумеюцца як штэмпель або матрыца пячаткі, так і зробленыя з іх дапамогай адбіткі ў пластычнай масе або фарбе.

Гл. таксама: геральдыка.

Развіццё дысцыпліны ўзыходзіць да перыяду практычнага ўжывання пячатак, пачатак якога адносіцца да 9—8 тыс. да н.э. Як навуковая дысцыпліна, канчаткова сфарміравалася ў 18 ст.

Гл. таксама: беларуская сфрагістыка.

---

Літ.:

• Цітоў А. Сфрагістыка і геральдыка Беларусі. – Мн.: РІВШ БДУ, 1999. ISBN 985-6299-36-5. С.3—5.