Хамяк звычайны

З пляцоўкі Вікіпедыя
Перайсці да: рух, знайсці
Хамяк звычайны
Grand-Hamster-Burner.jpg
Навуковая класіфікацыя
Міжнародная навуковая назва
ПАВЕДАМЛЕННЕ ПРА ПАМЫЛКУ
Не азначаны параметр latin
Арэал
выява
Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   632734
NCBI   10034
EOL   1179512

Хамяк звычайны (Cricetus cricetus) — від грызуноў з сямейства хамяковых.

Апісанне[правіць | правіць зыходнік]

Параўнальна буйны грызун, велічынёй з пацука, але з кароткім хвастом. Цела шчыльнае, галава і задняя частка тулава круглявых формаў. Даўжыня цела 180—300 мм, хваста 30-80 мм, ступня 30-45 мм. Маса 150—450 г, зрэдку больш. Вушы круглявыя, невялікія, з белым аблямоўваннем. Поўсць кароткая, густая і мяккая. Афарбоўка рудая, розных адценняў. Ніжняя частка цела заўсёды чорная. Па баках галавы, шыі, лап — белыя плямы.

Біялогія[правіць | правіць зыходнік]

Вядзе начны лад жыцця, увесну і ўвосень актыўны і днём. Зімоўку праводзіць у стане зімовага сну ў норах. Перыядычна прачынаецца і падкормліваецца насеннем культурнай і дзікай травы, назапашанымі ў канцы лета. Радзей зімуе ў капцах бульбы і карняплодаў. Норы глыбокія: зімовыя дасягаюць 2-х м; летнія сталыя, каля 60 см; часавыя — каля 30 см.

Жывуць да 10 гадоў. Спарванне ў красавіку — жніўні. Цяжарнасць 12-20 дзён. Самка нараджае ад 3 да 12 дзіцянятаў. Сталыя асобіны і халастыя самкі вядуць адзінкавы лад жыцця. Сілкуюцца вегетатыўнымі і пладовымі часткамі разнастайных культурных і дзікіх раслін. У нары ўладкоўвае вялікія запасы рознага насення, часам да 20 кг. У склад кормаў таксама ўваходзяць: казуркі, яшчаркі, птушаняты, дробныя грызуны.

У апошнія дзесяцігоддзі колькасць хамяка значна зменшылася ў большасці месцаў еўрапейскай часткі арэала. Хамяк жыве таксама і ў Беларусі, дзе занесены ў Чырвоную кнігу.

Спасылкі[правіць | правіць зыходнік]

Зубр еўрапейскі Гэты від занесены ў Чырвоную кнігу Беларусі і ахоўваецца законам.
статус віду не вызначаны