Эцьен Луі Малюс

Эцьен Луі Малюс
Étienne Louis Malus
Эцьен Луі Малюс
Дата нараджэння:	23 ліпеня 1775(1775-07-23)
Дата смерці:	23 лютага 1812(1812-02-23) (36 гадоў)
Краіна:	Францыя
Навуковая сфера:	оптыка
Месца працы:	Політэхнічная школа
Навуковае званне:	член Французскай акадэміі навук
Альма-матэр:	Політэхнічная школа
Навуковы кіраўнік:	Гаспар Монж
Вядомы як:	першаадкрывальнік закона Малюса пра інтэнсіўнасць святла, якое прайшло праз палярызатар
Узнагароды і прэміі	медаль Румфарда

Эцьен Луі Малюс (фр. Étienne Louis Malus) (23 ліпеня 1775 — 23 лютага 1812) — французскі інжынер, фізік і матэматык.

Ваенная кар'ера

У 1793 годзе Малюс паступіў у Інжынернае вучылішча ў Мэзьер, якое, аднак, прымушаны быў неўзабаве пакінуць; перайшоў у Політэхнічнае вучылішча, ён пад кіраўніцтвам Гаспара Монжа актыўна заняўся вывучэннем матэматычных навук. Пасля заканчэння вучылішча, у 1796 годзе, Малюс паступіў у дзеючую армію і прымаў удзел у экспедыцыі Напалеона ў Егіпет. У 1801 годзе Малюс вярнуўся ў Францыю, у 1802-1803 годзе працаваў на фортах ў Лілі, затым у іншых крэпасцях. З 1806 па 1809 гг. быў памочнікам начальніка крэпасці Страсбург.

Навуковая праца

Затым быў прызваны ў Парыж, дзе заняў пасаду экзаменатара пры Політэхнічным вучылішчы. Працы яго адносяцца амаль выключна да оптыкі; першыя даследаванні (1800-07) па аналітычнай оптыцы не ўяўляюць цікавасці, бо выкладзены з пункту гледжання ньютанавай тэорыі святла. У 1808 годзе Малюс адкрыў з'яву палярызацыі святла адлюстраваннем. Адначасова з Ж.-Б. Біё адкрыў палярызацыю святла пры пераламленні. У 1810 годзе стварыў тэорыю падвойнага праменняпераламлення святла ў крышталях. Адкрыў закон Малюса аб інтэнсіўнасці святла, які прайшоў праз палярызатар. Прыдумаў спосаб высвятлення напрамку аптычнай восі крышталя.

Літаратура

• Эцьен Луі Малюс // Беларуская энцыклапедыя. У 18 т. Т. 10. Мінск, 2000. С. 50