Grammatophyllum speciosum — від шматгадовых травяністых раслін сямейства Архідныя (Orchidaceae), якія растуць пераважна ў Інданезіі. Занесена ў Кнігу рэкордаў Гінеса як самая высокая архідэя ў свеце, з вышынёй да 7,62 метраў.[3]
Гэта расліна эпіфітная, часам і літафітная, з каранёвымі пучкамі. Яе цыліндрычныя псеўдабульбы(руск.) (бел. могуць дасягаць даўжыні 2,5 метра. Агульная вага гіганцкіх скапленняў тыгровай архідэі можа вагацца ад сотняў кілаграмаў да больш адной тоны[4].
Кожная з яе гронак (галін) можа вырасці да вышыні 3 метраў, маючы да васьмідзесяці кветак, кожная памерам у 10 см. Кветкі маюць асмафоры і выпускаюць хімічны водар, каб прыцягнуць апыляльнікаў. Цвіце такая архідэя адзін раз у два-чатыры гады, застаючыся ў цвецені да двух месяцаў.