Сватаплук Чэх

Сватаплук Чэх
Svatopluk Čech
Svatopluk Cech signature.JPG
Асабістыя звесткі
Дата нараджэння	21 лютага 1846(1846-02-21)[…]
Месца нараджэння	Остршадак[d], Бенешаў, раён Бенешаў[d], Чэхія[…]
Дата смерці	23 лютага 1908(1908-02-23)[…] (62 гады)
Месца смерці	Holešovice[d], Прага, Каралеўства Багемія, Цыслейтанія, Аўстра-Венгрыя
Пахаванне	Вышаградскія могілкі
Грамадзянства	Аўстрыйская імперыя Аўстра-Венгрыя
Бацька	František Jaroslav Čech[d]
Альма-матар	Карлаў універсітэт
Прафесійная дзейнасць
Род дзейнасці	літаратар, журналіст
Гады творчасці	з 1863
Жанр	паэзія і раман
Мова твораў	чэшская
Подпіс
Медыяфайлы на Вікісховішчы

Сва́таплук Чэх (чэшск.: Svatopluk Čech; 21 лютага 1846, вёска Остржадак, раён Бенешаў — 23 лютага 1908, Прага) — чэшскі пісьменнік, паэт, журналіст.

Біяграфія

Скончыў гімназію ў Празе, вывучаў права, працаваў у часопісах «Květy», «Lumír», «Světozor».

Творчасць

Свой першы верш, «Husita na Baltu», апублікаваў у альманаху «Ruch» у 1868. Як і «Adamité», гэта твор заснаваны на гісторыі (гусіцкія войны). Яго верш «Evropa» (1878) спасылаецца на тагачасныя рэвалюцыйныя рухі, верш «Slávie» (1882) прапагандуе ідэалы славянскага адзінства, верш «Václav z Michalovic» (1880) апісвае рэлігійны прыгнёт езуітаў, верш «Lešetínský kovář» (1883) — сацыяльныя праблемы індустрыялізацыі. У кнігах лірыкі «Jitřní písně» (1887) і «Nové písně» (1888) адлюстраванае адраджэнне чэхаў, а паэтычная нізка «Písně otroka» характарызуе сацыяльныя праблемы.

Найбольш вядомыя творы Чэха — серыя сатырычных раманаў «Výlety pana Broučka» (1888, 1889), два з якіх былі ўзяты асноваю оперы Яначка «Экскурсіі пана Броўчка».

Памяць

Адзін з мастоў у Празе носіць імя Сватаплука Чэха. Таксама яго імем названыя вуліцы ў розных гарадах Чэхіі.

Беларускія пераклады

• Пад засенню ліпы: паэма-эпапея / Сватаплук Чэх. — Мінск : Зміцер Колас, 2013. — 133, [2] с., [6] л. каляр. іл.

Спасылкі

• На Вікісховішчы ёсць медыяфайлы па тэме Сватаплук Чэх
• Кароткая біяграфія (чэшск.)