Славяне

Нацыянальны сцяг усіх славян, зацверджаны на панславянскім з'ездзе ў Празе (1848)

Славя́не — найбуйнейшая ў Еўропе этна-моўная супольнасць індаеўрапейскага паходжання.

У цяперашні час славяне расселеныя на шырокай тэрыторыі Цэнтральнай, Паўднёвай і Усходняй Еўропы і далей на ўсход — аж да Далёкага Усходу Расіі. Славянская меншасць маецца таксама ў дзяржавах Заходняй Еўропы, Амерыкі, Закаўказзя і Сярэдняй Азіі. Агульная колькасць славян — 250—300 млн чалавек, з іх каля паловы — рускія (137 млн). Адрозніваюць заходніх (палякі, чэхі і інш.), паўднёвых (балгары, сербы, харваты і інш.) і ўсходніх (беларусы, рускія, украінцы) славянаў.