Барыс Абрамавіч Забораў

Барыс Абрамавіч Забораў
Дата нараджэння	16 кастрычніка 1935(1935-10-16)
Месца нараджэння	Менск, БССР, СССР
Дата смерці	20 студзеня 2021(2021-01-20) (85 гадоў)
Месца смерці	XVIII акруга Парыжа, Парыж, Вялікі Парыж, Францыя
Грамадзянства	Францыя
Бацька	Абрам Забораў
Дзеці	Кірыл Забораў[d]
Род дзейнасці	мастак
Жанр	партрэт, пейзаж, сюжэтна - тэматычная карціна
Вучоба	Маскоўскі дзяржаўны акадэмічны мастацкі інстытут імя В. І. Сурыкава[d] Беларуская дзяржаўная акадэмія мастацтваў
Мастацкі кірунак	рэалізм
Член у	Саюз мастакоў БССР (1979) Акадэмія прыгожых мастацтваў[d]
Медыяфайлы на Вікісховішчы

Барыс Абрамавіч Забораў (16 кастрычніка 1935, Мінск) — беларускі і французскі жывапісец і графік, сын мастака Абрама Заборава.

Біяграфія

З 1949 па 1954 год вучыўся ў Мінскім мастацкім вучылішчы, потым ў Інстытуце жывапісу, скульптуры і архітэктуры імя І. Я. Рэпіна Акадэміі мастацтваў СССР. У 1956 годзе перавёўся ў Маскоўскі дзяржаўны мастацкі інстытут імя В. І. Сурыкава, скончыў яго ў 1961 г. па спецыяльнасці «мастак тэатра». Быў сябрам Саюза мастакоў БССР (да 1979). Жыў у г. Мінску, у 1979 годзе эмігрыраваў. Жыве ў Францыі (Парыж).

Творчасць

Працаваў у галіне кніжнай графікі і ў розных жанрах станковага жывапісу.

Займаўся мастацкім афармленнем кніг. Сярод іх зборнік вершаў балгарскіх паэтаў «Ад круч балканскіх», «Вей, ветрык» Яна Райніса, «Гамлет» і «Санеты» У. Шэкспіра, «Выбраная лірыка» Я. Купалы, «Раскідач» Р. Барадуліна, «Кароль Маціуш» Я. Корчака і інш. Зрабіў ілюстрацыі да твораў Ф. Дастаеўскага («Пакорлівая»), А. Пушкіна («Казка аб царэ Салтане»), О. Уайльда «Казкі». У Нацыянальным мастацкім музеі Рэспублікі Беларусь захоўваецца каля 50 графічных аркушаў Б. Заборава.

Выканаў 7 кніжных знакаў (экслібрысаў).

У калекцыі Нацыянальнага мастацкага музея Рэспублікі Беларусь знаходзяцца 5 жывапісных палотнаў 1960 — 1970-х гадоў: партрэты Уладзіміра Маякоўскага і эстонскай мастачкі Імры Арэк, карціны «Палескія музыкі» (1968) і «Зімовае свята», апошняе да эміграцыі палатно «Рамантычны пейзаж» (1977). 17 лютага 2009 г. мастак перадаў музею карціну «Гумно» (2008).

З 27 кастрычніка па 10 снежня 2010 года творы Барыса Заборава экспанаваліся ў Нацыянальным мастацкім музеі Рэспублікі Беларусь.

З 2014 г. расейскі літаратурна—мастацкі часопіс «Знамя» пачаў друкаваць біяграфічнае апавестваванне Б. Заборава «То, што нельга забыць».

Літаратура

• Художники Советской Белоруссии / редкол.: В. И. Версоцкий, Н. И. Гончаров, Н. Т. Гутиев и др.. — Мн.,: Беларусь, 1976. — 400 с. — 18 000 экз.