Іван Уладзіміравіч Літвіновіч
Іван Уладзіміравіч Літвіновіч | |
---|---|
Агульная інфармацыя | |
Пол | мужчынскі пол |
Мянушка | Vanya[2] |
Спецыялізацыя | скачкі на батуце |
Нарадзіўся |
26 чэрвеня 2001[1] (22 гады) |
Грамадзянства | |
Альма-матар | |
Трэнеры | Вольга Анатольеўна Уласава, Пётр Іванавіч Зайцаў |
Рост | 170 см |
Вага | 61 кг |
Спартыўнае званне | |
Медыяфайлы на Вікісховішчы |
Іва́н Уладзі́міравіч Літвіно́віч (нар. 20 чэрвеня 2001, Вілейка, Беларусь) — беларускі батутыст, чэмпіён Еўропы і свету, Алімпійскі чэмпіён 2020 года.
Біяграфія
Пачаў займацца скачкамі на батуце з васьмігадовага ўзросту, да гэтага займаўся акрабатыкай па прыкладзе маці Таццяны Аляксандраўны — майстра спорту СССР па спартыўнай акрабатыцы. Выхаванец Вілейскай ДЮСШ, першы трэнер — Пётр Іванавіч Зайцаў[3].
Скончыў Вілейскую сярэднюю школу №1 і Вілейскі дзяржаўны каледж па спецыяльнасці «аўтаслесар». Навучаецца ў Беларускім дзяржаўным універсітэце фізічнай культуры[3].
Трэніруецца ў Рэспубліканскім цэнтры алімпійскай падрыхтоўкі па гімнастычных відах спорту пад кіраўніцтвам Вольгі Уласавай. Спартсмен-інструктар нацыянальнай каманды Рэспублікі Беларусь па скачках на батуце. Майстар спорту Рэспублікі Беларусь міжнароднага класа (2019).
Спартыўная кар’ера
На чэмпіянаце свету 2017 года ў Сафіі здабыў срэбны медаль у адной з узроставых груп і заняў другое месца ў катэгорыі 15–16 гадоў разам з Даніілам Валынцавым. На чэмпіянаце Еўропы 2018 года ў Баку ўзяў залаты медаль у юніёрскім разрадзе і залаты медаль у камандным заліку. Выступаў на III Юнацкіх Алімпійскіх гульнях 2018, дзе заняў чацвёртае месца[3].
У 2019 годзе выйграў срэбны медаль у індывідуальным заліку і залаты медаль у камандных спаборніцтвах (разам з Уладзіславам Ганчаровым, Алегам Рабцавым і Аляксеем Дударавым) на Чэмпіянаце свету ў Токіа. У індывідуальных скачках на першым этапе Кубка свету 2020 ўзяў срэбны медаль, што дало яму алімпійскую ліцэнзію ў Токіа[4]. На чэмпіянаце Еўропы 2020 года ў Сочы ў індывідуальных спаборніцтвах заняў 22 месца, у камандным заліку здабыў залаты медаль (разам з У. Ганчаровым, А. Рабцавым і А. Дударавым)[5].
На XXXII летніх Алімпійскіх гульнях 2020 у Токіа ў індывідуальным заліку заваяваў залаты медаль[6], які стаў першым медалём Беларусі на гэтых спаборніцтвах.
Дасягненні
- Алімпійскі чэмпіён: 2020 (індывідуальны);
- Чэмпіён свету: 2019 (індывідуальны);
- Чэмпіён Еўропы: 2018 (індывідуальны, сярод юніёраў), 2018 (у камандзе, сярод юніёраў), 2020 (у камандзе);
- Срэбраны прызёр Чэмпіянату свету: 2019 (індывідуальны).
Узнагароды і званні
Узнагароджаны Ганаровай граматай Міністэрства спорту і турызму Рэспублікі Беларусь (2020)[7]. У 2019 годзе стаў «Асобай года» паводле рэдакцыі «Рэгіянальнай газеты»[8].
Грамадзянская пазіцыя
Пасля прэзідэнцкіх выбараў 2020 года і жорсткага падаўлення пратэстаў супраць іх фальсіфікацыі падпісаў адкрыты ліст у падтрымку Аляксандра Лукашэнкі. Пасля алімпійскай перамогі на пытанне аб палітычным крызісе ў Беларусі сказаў «мяне гэта не датычыцца, мяне гэта не закранула», таксама пацвердзіў падпісанне пралукашэнкаўскага ліста і абгрунтаваў гэта тым, што «спорт па-за палітыкай, і я заўсёды гэтага прытрымліваўся»[9].
Зноскі
- ↑ Ivan Litvinovich // Olympedia — 2006. Праверана 12 жніўня 2021.
- ↑ Olympedia — 2006.
- ↑ а б в Владимир Зданович.. «Люблю скорость с детства — это моя стихия» . Наш Спорт, № 02, февраль 2020. Праверана 31 ліпеня 2021.
- ↑ Студент и два выпускника БГУФК завоевали медали на КМ в Баку. // БГУФК, 2020. (бел.)
- ↑ Белорусские батутисты выиграли четыре награды на ЧЕ в Сочи. // БелТА, 1 мая 2021. (руск.)
- ↑ Беларускі батутыст Іван Літвіновіч выйграў золата Алімпіяды ў Токіа. // БелТА, 31 ліпеня 2021. (бел.)
- ↑ Владимир Нестерович. В столице прошло чествование атлетов и тренеров. Иван Литвинович награждён Почётной грамотой Минспорта. // Шлях Перамогі, 9 января 2020. (руск.)
- ↑ У Беларусі — першы медаль на Алімпіядзе ў Токіа. Батутыст Іван Літвіновіч з Вілейкі заваяваў «золата»
- ↑ «Я подписывал письмо, что спорт вне политики». Олимпийский чемпион из Белоруссии — о ситуации в стране (руск.). sport-express.ru (31 ліпеня 2021). Праверана 1-8-2021.
Спасылкі
- Профіль на сайце Алімпійскіх гульняў 2020 (англ.)
- Малады батутыст Іван Літвіновіч: Я зламаў сківіцу сваім жа каленам. // Звязда (бел.)
- Нарадзіліся 26 чэрвеня
- Нарадзіліся ў 2001 годзе
- Нарадзіліся ў Вілейцы
- Выпускнікі БДУФК
- Майстры спорту Беларусі міжнароднага класа
- Асобы
- Спартсмены паводле алфавіта
- Скакуны на батуце Беларусі
- Алімпійскія чэмпіёны ад Беларусі
- Гімнасты на летніх Алімпійскіх гульнях 2020 года
- Чэмпіёны летніх Алімпійскіх гульняў 2020 года