Іван Іванавіч Семянюк

Іван Іванавіч Семянюк
Дата нараджэння	15 лютага 1917(1917-02-15)
Месца нараджэння	Мінск, Мінскі павет, Мінская губерня, Расійская імперыя
Дата смерці	26 красавіка 1973(1973-04-26) (56 гадоў)
Месца смерці	Мінск, БССР, СССР
Месца пахавання	Усходнія могілкі
Грамадзянства	БНР  СССР
Прыналежнасць	СССР
Род войскаў	авіяцыя
Гады службы	1938—1961
Званне	палкоўнік
Бітвы/войны	Вялікая Айчынная вайна, Вайна ў Карэі
Узнагароды і званні
Медыяфайлы на Вікісховішчы

Іван Іванавіч Семяню́к (2 (15) лютага 1917, Мінск — 26 красавіка 1973) — ваенны лётчык, удзельнік Вялікай Айчыннай вайны. Герой Савецкага Саюза (1944).

Нарадзіўся ў Мінску. Скончыў сямігодку і школу ФЗВ. Працаваў вучнем памочніка машыніста, слесарам у паравозным дэпо ў Оршы. У Чырвонай Арміі з 1938 года. У 1940 годзе скончыў ваенную авіяшколу пілотаў у Батайску. Падчас Вялікай Айчыннай вайны з чэрвеня 1941 г. на Паўднёвым, Закаўказскім, Паўночна-Каўказскім, Варонежскім, 1-м Украінскім франтах. Камандзір звяна, эскадрыллі. За гады вайны здзейсніў 430 баявых вылетаў, правёў 125 паветраных баёў, збіў 18 асабіста і 9 у групе самалётаў праціўніка.

Пасля вайны І. І. Семянюк працягваў службу у Ваенна-Паветраных Сілах. У 1948 годзе скончыў Ліпецкія вышэйшыя афіцэрскія лётна-тактычныя курсы. У званні палкоўніка на пасадзе камандзіра 256-га знішчальнага авіяпалка прымаў ўдзел у баявых дзеяннях падчас Карэйскай вайны 1952—1953 гг. З 1952 г. служыў у Паўночнай ваеннай акрузе У 1955 году скончыў Курсы удасканалення каманднага складу пры Ваенна-паветранай акадэміі ў Моніна.

З чэрвеня 1961 г. палкоўнік І. І. Семянюк у запасе. Жыў і працаваў у Мінску. Памёр 24 красавіка 1973 г. пахаваны ў Мінску на Усходніх (Маскоўскіх) могілках.

Узнагароды

• Медаль «Залатая Зорка»
• 2 ордэны Леніна
• 2 ордэны Чырвонага Сцяга
• Ордэн Айчыннай вайны 1 ступені
• 2 ордэны Чырвонай Зоркі
• Медаль «За баявыя заслугі»
• медалі.

Літаратура

• Семянюк Іван Іванавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 323. — 10 000 экз. — ISBN 985-11-0035-8. — ISBN 985-11-0238-5 (т. 14).
• Семяню́к Іван Іванавіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 287. — 10 000 экз. — ISBN 985-11-0214-8.

Спасылкі

• Іван Іванавіч Семянюк на сайце «Героі краіны»
• Семянюк Іван Іванавіч на сайце анлайн-энцыклапедыі «Беларусь у асобах і падзеях»
• Семенюк Иван Иванович(недаступная спасылка) // AirFighters.RU Архівавана 18 красавіка 2013. (руск.)