Іван Пятровіч Доўбня

Іван Пятровіч Доўбня
Дата нараджэння	31 студзеня (12 лютага) 1853 ці 1853
Месца нараджэння	Пінск, Пінскі павет, Мінская губерня, Расійская імперыя
Дата смерці	2 (15) лютага 1912 ці 1912
Месца смерці	Санкт-Пецярбург, Расійская імперыя
Месца пахавання	Смаленскія праваслаўныя могілкі
Грамадзянства	Расійская імперыя
Род дзейнасці	матэматык
Навуковая сфера	матэматычны аналіз
Месца працы	Санкт-Пецярбургскі горны інстытут
Навуковая ступень	доктар фізіка-матэматычных навук
Навуковае званне	прафесар
Альма-матар	Санкт-Пецярбургскі горны інстытут (1875)
Навуковы кіраўнік	Georg August Thieme[d]
Вядомыя вучні	Мікалай Мітрафанавіч Крылоў

Іван Пятровіч До́ўбня (31 студзеня 1853, Пінск — 2 лютага 1912) — матэматык і публіцыст. Доктар фізіка-матэматычных навук (1896), прафесар (1897).

Біяграфія

Нарадзіўся ў Пінску. Скончыў гімназію і ў 1870 годзе паступіў у Санкт-Пецярбургскі горны інстытут, які скончыў у 1875 годзе і паступіў на педагагічныя курсы пры 2-й Санкт-Пецярбургскай ваеннай гімназіі. У 1877—1880 гадах выкладаў матэматыку ў ваеннай гімназіі ў Арэнбургу, у 1880—1897 гадах — у кадэцкім корпусе ў Ніжнім Ноўгарадзе. З 1897 года І. П. Доўбня ў Санкт-Пецярбургскім горным інстытуце: з 1897 года прафесар, з 1910 года — рэктар.

Памёр І. П. Доўбня ў пачатку лютага 1912 года ў Санкт-Пецярбургу.

Навуковая дзейнасць

Вучонаму належаць працы па алгебры, тэорыі абелевых інтэгралаў, эліптычных функцый, методыцы выкладання матэматыкі ў навучальных установах. Выказаў ідэю вызначаць трыганаметрычныя функцыі сінус і косінус як дэкартавы прастакутныя каардынаты кропкі адзінкавай акружнасці.

Апублікаваў каля 100 навуковых, навукова-метадычных прац і вучэбных дапаможнікаў.

Узнагароды

І. П. Доўбня быў узнагароджаны шасцю ордэнамі: чатыры ордэна атрымаў у перыяд з 1880 па 1891 гады, калі выкладаў матэматыку ў ваенных навучальных установах, два — у перыяд службы ў горным інстытуце.

Літаратура

• Доўбня Іван Пятровіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 187. — 10 000 экз. — ISBN 985-11-0035-8. — ISBN 985-11-0106-0 (т. 6).

Спасылкі

• Долбня Иван Петрович — Белорусские имена в мировой науке и технике (руск.) // Рэспубліканская навукова-тэхнічная бібліятэка Беларусі
• Старонкі гісторыі матэматыкі на Беларусі Архівавана 20 студзеня 2019.
• Долбня Іван Пятровіч Архівавана 8 снежня 2018. // Пінская гарадская цэнтральная бібліятэка
• Доўбня Іван Пятровіч на сайце анлайн-энцыклапедыі «Беларусь у асобах і падзеях»