Іван Трафімавіч Каробкін

Іван Трафімавіч Каробкін
Дата нараджэння	10 лістапада 1921(1921-11-10)
Месца нараджэння	Кварцяны, Чавускі павет, Магілёўская губерня, РСФСР
Дата смерці	16 верасня 1976(1976-09-16) (54 гады)
Грамадзянства	БССР
Род дзейнасці	інжынер-землеўпарадчык
Месца працы	БелНДІдзіпрасельбуд
Альма-матар	Беларуская дзяржаўная сельскагаспадарчая акадэмія (1950)
Партыя	КПСС
Член у	Саюз архітэктараў СССР Беларускі саюз архітэктараў

Іван Трафімавіч Каробкін (10 лістапада 1921, в. Кварцяны, Горацкі раён, Магілёўская вобласць — 16 верасня 1976) — беларускі інжынер па землеўпарадкаванні.

Біяграфія

Удзельнік Вялікай Айчыннай вайны. Скончыў Беларускую сельскагаспадарчую акадэмію ў 1950 годзе. З 1950 па 1976 гады працаваў інжынерам, старшым інжынерам, кіраўніком сектара, начальнікам аддзела ў БелНДІдзіпрасельбудзе.

Член Саюза архітэктараў СССР з 1960 года. Член КПСС з 1963 года.

Творчасць

Асноўныя працы (у аўтарскім калектыве): праекты планіроўкі і забудовы пасёлкаў торфабрыкетных заводаў Гацук імя Дзяржынскага, Лашанскае, Усяж, Усяж Вук (1953—1955), сельскіх населеных пунктаў калгасаў і саўгасаў БССР (1955—1973), Баранавіцкага і Слуцкага адкормачнікаў (1969—1977), рабочыя чарцяжы эксперыментальна-паказальных пасёлкаў калгасаў імя Калініна, «Чырвоная змена», саўгасаў «Камуніст», імя Леніна, «Малеч» (1967—1973), праекты планіроўкі і рабочыя чарцяжы забудовы пасёлкаў калгасаў «Гвардыя», імя Дзімітрава, «Кірава», «Аснежыцкі», «Савецкая Беларусь» (1960—1973), птушкафабрык Баранавіцкай, Гродзенскай, 1-й Мінскай, Смалявіцкай (1961—1973).

Аўтар публікацый па пытаннях планіроўкі і забудовы сёлаў БССР, у т.л. кнігі «З досведу планіроўкі сельскіх населеных пунктаў БССР» (Мінск, 1959).

Узнагароды

Узнагароджаны медалямі.

Літаратура

• Коробкин Иван Трофимович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)