16 верасня

	← верасень →
	2024

16 верасня — дзвесце пяцьдзясят дзевяты (дзвесце шасцідзесяты ў высакосны год) дзень года па Грыгарыянскім календары.

Падзеі

1654: Расійскія войскі пасля працяглай аблогі занялі Смаленск, асноўную крэпасць Вялікага княства Літоўскага на ўсходзе.
1658: Заключаны Гадзяцкі дагавор паміж Рэччу Паспалітай і казацкім гетманам Іванам Выгоўскім.
1668: Кароль польскі і вялікі князь літоўскі Ян Казімір Ваза адрокся ад стальца.
1697: Аўгуст Моцны каранаваны на караля польскага і вялікага князя літоўскага.
1773: У Новую Шатландыю (Канада) прыбыў карабель «Гектар» з шатландскімі пасяленцамі, пачатак хвалі эміграцыі з Шатландыі ў Канаду.
1809: Рускае войска П.І. Баграціона перамагло турэцкае войска Мяхмед-пашы ля вёскі Раселат у ходзе руска-турэцкай войны 1806-1812 года.
1810: Пачалася вайна за незалежнасць Мексікі ад Іспаніі.
1907: У Санкт-Пецярбургу пачаў працу трамвай.
1908: Заснавана кампанія General Motors.
1943: Ад нямецка-фашыстскіх акупантаў вызвалены Ярцава, Ноўгарад-Северскі, Наварасійск.
1963: Утворана федэратыўная дзяржава Малайзія.
1975: Папуа — Новая Гвінея абвясціла незалежнасць ад Аўстраліі.
1991: Утвораны нацыянальны парк «Белавежская пушча».
1992: «Чорная серада» у Вялікабрытаніі — Джордж Сорас правёў спекуляцыйную атаку на фунт стэрлінгаў, знізіўшы яго кошт на 25%.
1999: Знікненне беларускага палітыка Віктара Ганчара і прадпрымальніка Анатоля Красоўскага.

Нарадзіліся

1651: Энгельберт Кемпфер, нямецкі падарожнік і натураліст
1745: Міхаіл Кутузаў, рускі палкаводзец, генерал-фельдмаршал
1859: Браніслаў Эпімах-Шыпіла, дзеяч беларускага нацыянальнага руху (пам. 6.6.1934)
1861: Франц фон Мач, аўтрыйскі мастак
1876: Марвін Харт, амерыканскі баксёр
1888: Франс Эміль Сіланпяя, фінскі пісьменнік, Нобелеўскі лаўрэат па літаратуры
1891: Антон Баліцкі, беларускі дзяржаўны дзеяч, публіцыст (пам. 31.10.1937)
1923: Лі Куан Ю, першы прэм’ер-міністр Сінгапура
1927: Пітэр Фальк, амерыканскі акцёр
1931: Пётр Лысенка, беларускі археолаг, даследчык культуры дрыгавічоў і Тураўскай зямлі
1938: Віктар Дашук, беларускі кінарэжысёр-дакументаліст
1947: Ілона Гузенбаўэр, аўстрыйская лёгкаатлетка
1952: Мікі Рурк, амерыканскі кінаакцёр
1966: Кевін Янг, амерыканскі лёгкаатлет

Памерлі

96: Даміцыян, імператар рымскі
655: Марцін I, Папа Рымскі
827: Валянцін, Папа Рымскі
1824: Людовік XVIII, кароль Францыі
1825: Францішак Карпінскі, польскі паэт, класік сентыменталізму, мемуарыст (нар. 4.10.1741)
1940: Сяргей Паўловіч, беларускі настаўнік, дырэктар Віленскай беларускай гімназіі (нар. 25.9.1875)
1945: Дэвід Янг Кэмеран, шатландскі мастак
1957: Цы Байшы, кітайскі мастак
1977: Марыя Калас, грэчаская спявачка
1980: Жан Піяжэ, швейцарскі псіхолаг

Святкуюць

Міжнародны дзень аховы азонавага слоя
Мексіка: Дзень Незалежнасці