Іван Яўстахавіч Выгоўскі

З пляцоўкі Вікіпедыя
Перайсці да: рух, знайсці
Іван Яўстахавіч Выгоўскі
Iwan Wyhowski.PNG
Дата нараджэння

1608

Месца нараджэння

Рэч Паспалітая

Дата смерці

16 сакавіка 1664(1664-03-16)

Месца смерці

Запарожскія казакі

Commons-logo.svg Іван Яўстахавіч Выгоўскі на Вікісховішчы

Іван Яўстахавіч Выгоўскі — гетман запарожскага войска.

Біяграфія[правіць | правіць зыходнік]

Паходзіў з радавітай украінскай шляхты. Служыў у польскім войску, у бітве пад Жоўтымі Водамі трапіў у татарскі палон. Вызваліўшыся з палону стаў паплечнікам Б. Хмяльніцкага, быў генеральным вайсковым пісарам. Пасля смерці Хмяльніцкага (1657) казацкая старшына выбрала Выгоўскага гетманам Запарожскага войска. Арыентуючыся на збліжэнне з Польшчай, Выгоўскі разам з ваенным кіраўніцтвам Рэчы Паспалітай рыхтаваў план сумеснай барацьбы супраць маскоўскага войска. Падпісаў Гадзяцкі дагавор 1658, паводле якога Украіна на федэратыўных асновах зноў уваходзіла ў склад Польскага каралеўства. Згодна з умовай пагаднення гетман павінен быў вызваліць ад казакоў усходнюю тэрыторыю ВКЛ.

Вайна з Расіяй[правіць | правіць зыходнік]

Нейкі час галоўны ўдар па царскіх войсках планавалася нанесці на Беларусі, аднак ваенныя дзеянні амаль адначасова пачаліся і на Украіне і на Беларусі, дзе імі камандаваў паплечнік Выгоўскага Іван Нячай. Летам 1659 г. Выгоўскі пры падтрымцы польскага і татарскага войска разграміў пад Канатопам буйныя сілы царскага ваяводы А. Трубяцкога. Але большасць казакоў была незадаволена палітыкай Выгоўскага, супраць яго ўзнік народны рух, які ўзначалілі І. Багун, І. Бяспалы, І. Іскра і інш. Выгоўскі з групай наёмных палякаў уцёк у Польшчу і адмовіўся ад гетманства. Там ён атрымаў тытул сенатара і пасаду кіеўскага ваяводы, аднак у выніку інтрыг гетмана Правабярэжнай Украіны П. Цяцеры быў расстраляны.

Зноскі

Літаратура[правіць | правіць зыходнік]

Wikiquote-logo.svg
У Вікіцытатніку ёсць старонка па тэме Івана Выгоўскага
Папярэднік:
Юрый Хмяльніцкі
Гетман Украіны
16571659
Пераемнік:
Юрый Хмяльніцкі