Ігнат Карповіч
| Ігнат Карповіч | |
|---|---|
 | |
| Асабістыя звесткі | |
| Дата нараджэння | 1976[1] |
| Месца нараджэння | |
| Грамадзянства | |
| Альма-матар | |
| Прафесійная дзейнасць | |
| Род дзейнасці | раманіст, перакладчык, пісьменнік |
| Мова твораў | польская |
| Прэміі | |
| Узнагароды | |
 Медыяфайлы на Вікісховішчы | |
Ігнат Карповіч (пол. Ignacy Karpowicz; нар. у 1976 у Беластоку) — польскі пісьменнік беларускага паходжання, празаік, перакладчык літаратуры, лаўрэат Пашпарту «Палітыкі» (2011) за раман Balladyny i romanse (Баладыны і рамансы) (2010).
Біяграфія
[правіць | правіць зыходнік]Першыя гады жыцця правёў у вёсцы Случанка, потым разам з бацькамі пераехаў у Беласток. Скончыў I Агульнаадукацыйны ліцэй ім. Адама Міцкевіча ў Беластоку. Навучаўся на Mіжфакультэтных індывідуальных гуманітарных студыях Варшаўскага ўніверсітэта. Займаўся іспаністыкай і афрыканістыкай.
Пісьменнік належыць да беларускай меншасці Польшчы. Яго дзядзька — знакаміты польскі мастак беларускага паходжання Лявон Тарасевіч[2].
У 2006 годзе выдавецтва Czarne выдала яго дэбютны раман Niehalo, за які Карповіча намінавалі на Пашпарт «Палітыкі». У 2007 з’явіўся яго другі раман Cud (Цуд). Раман Gesty (Жэсты) у 2009 стаў фіналістам літаратурнай узнагароды «Ніке». У кастрычніку 2010 коштам Літаратурнага выдавецтва быў выдадзены чарговы раман пад назвай Balladyny i romanse (Баладыны і рамансы), які быў фіналістам літаратурнай узнагароды «Ніке» 2011, а таксама прынёс свайму аўтару Пашпарт «Палітыкі» 2010. Раман Ości (Косці) быў фіналістам літаратурнай узнагароды «Ніке» 2014, а таксама атрымаў узнагароду чытацкіх сімпатый. Раман Sońka (Сонька) быў фіналістам літаратурнай узнагароды «Ніке» 2015. Твор перакладзены з польскай на беларускую Марыяй Мартысевіч і выпушчаны ў выдавецтве «Логвінаў» у 2018[3].
Ігнат Карповіч таксама перакладае мастацкую літаратуру з англійскай, іспанскай ды амхарскай моў.
Творчасць
[правіць | правіць зыходнік]- Niehalo (Czarne 2006)
- Cud (Цуд) (Czarne 2007)
- Nowy Kwiat Cesarza (Новая кветка імператара) (Нацыянальны выдавецкі інстытут, 2007)
- Gesty (Жэсты) (Літаратурнае выдавецтва, 2008)
- Balladyny i romanse (Баладыны і рамансы) (Літаратурнае выдавецтва, 2010)
- Ości (Косці) (Літаратурнае выдавецтва, 2013)
- Sońka (Сонька) (Літаратурнае выдавецтва, 2014)
Зноскі
- ↑ Deutsche Nationalbibliothek Record #1125973137 // Gemeinsame Normdatei — 2012—2016. Праверана 4 мая 2026.
- ↑ Суседзі палявалі на суседзяў. Выходзіць вусьцішная кніга пра падзеі на Беласточчыне падчас Другой усясьветнай вайны // svaboda.org
- ↑ instytutpolski.pl/ Ігнат Карповіч “СОНЬКА” – прэзентацыя перакладу з удзелам аўтара Архівавана 30 красавіка 2021. // instytutpolski.pl
Спасылкі
[правіць | правіць зыходнік]- Ісус
- Такога моста ніхто не знішчыць! Архівавана 24 студзеня 2022.
| |||||
