Ірына Аляксандраўна Герасімчык

Ірына Аляксандраўна Герасімчык
Дата нараджэння	1977
Месца нараджэння	Навагрудак, Навагрудскі раён, Гродзенская вобласць, БССР, СССР
Грамадзянства	СССР  Беларусь
Род дзейнасці	вучоная, выкладчыца ўніверсітэта
Навуковая сфера	мовазнаўства
Месца працы	факультэт гісторыі, камунікацыі і турызму ГрДУ
Навуковая ступень	кандыдат філалагічных навук
Навуковае званне	дацэнт
Альма-матар	філалагічны факультэт ГрДУ (1999)

Ірына Аляксандраўна Герасімчык (дзявоцкае прозвішча Журко; нар. 1977, г. Навагрудак, Гродзенская вобласць) — беларускі мовазнавец. Кандыдат філалагічных навук (2003), дацэнт.

Біяграфія

У 1999 годзе скончыла філалагічны факультэт Гродзенскага дзяржаўнага ўніверсітэта імя Янкі Купалы па спецыяльнасці «Беларуская мова і літаратура». У 1999—2002 гадах праходзіла падрыхтоўку ў аспірантуры на кафедры агульнага і тэарэтычнага мовазнаўства Гродзенскага дзяржаўнага ўніверсітэта імя Янкі Купалы па спецыяльнасці «беларуская мова». Навуковы кіраўнік — доктар філалагічных навук, прафесар М. А. Даніловіч.

У 2003 г. абараніла кандыдацкую дысертацыю па тэме «Фразеалагічныя паронімы сучаснай беларускай літаратурнай мовы».

У 2005—2008 гадах — старшы выкладчык кафедры рускай мовы ГрДУ імя Янкі Купалы; з 2008 года — старшы выкладчык, дацэнт кафедры журналістыкі факультэта гісторыі, камунікацыі і турызму ГрДУ. Выкладае курсы «Гісторыя беларускай журналістыкі», «Сучасная беларуская мова», «Стылістыка», «Гісторыя журналістыкі Гродзеншчыны», «Рэгіянальны і гарадскі брэндынг», «Планаванне і арганізацыя рэкламнай кампаніі», «СМІ як сацыякультурны феномен», «Карпаратыўныя СМІ».

Навуковая дзейнасць

Асноўныя кірункі навуковых даследаванняў: медыялінгвістыка, стылістыка, беларуская фразеалогія і парэміялогія, гісторыя журналістыкі.

Аўтар 24 навуковых артыкулаў (з іх 2 замежныя публікацыі).

Бібліяграфія

• Нацыянальна-прэцэдэнтны феномен «людзьмі звацца» ў сучаснай беларускай інфармацыйнай прасторы // Рэспубліканскія Купалаўскія чытанні: зб. навук. прац., Гродна, 20-21 красавіка 2012 г. / ГрДУ; рэдкал.: І. В. Жук (адк. рэд.) [і інш.]. — Гродна: ТАА «ЮрСаПрынт», 2013. — С. 197—202.
• Карпаратыўнае выданне як інструмент фарміравання карпаратыўнай культуры // Корпоративная пресса в системе СМИ Республики Беларусь: традиции, опыт, пути развития: материалы Респ. науч.-практ. конф., Мінск, 1-2 ноября 2013 г. / редкол.: С. В. Дубовик (отв. ред.) [и др.]. — Минск: Изд. центр БГУ, 2014. — С. 41-45.
• «Праўду кажа тая прыказка». Функцыянаванне парэміялагічных адзінак у журналісцкім тэксце // Роднае слова. — 2013. — № 12. — С. 31-33.
• Пословица как функционально-смысловой элемент в публицистическом тексте // Мова і культура: науковий журнал. — Вып. 16. — К.: Видавничий дім Дмитра Бураго, 2013. — Т. ІІІ (165). — С. 283—289.