Айсберг (прадпрыемства)
Айсберг | |
---|---|
Тып | Акцыянернае таварыства |
Заснаванне | 1964 |
Скасавана | 2014 |
Прычына скасавання | банкруцтва |
Ранейшыя назвы | Смаленскі завод халадзільнікаў |
Размяшчэнне | Расія, Смаленск |
Галіна | Прыборабудаванне |
Прадукцыя | халадзільнікі |
ААТ «Айсберг» (Смаленскі завод халадзільнікаў) — вырабнік халадзільнікаў у Смаленску, сумеснае прадпрыемства беларускай фірмы «Атлант». Зачынены ў 2014 годзе.
Гісторыя[правіць | правіць зыходнік]
Смаленскі завод халадзільнікаў пачаў выпускаць халадзільнікі пад маркай «Смаленск» з 1964 года.
У 1975 г. быў выпушчаны першы мільён халадзільнікаў. Усяго за 30 гадоў было выраблена 5 млн бытавых халадзільнікаў «Смаленск» шасці марак, з іх 251 тыс. Пастаўлена ў замежныя краіны (Італія, Турцыя, Югаславія, Венгрыя, Албанія, Балгарыя і інш.).
Да 80-х гадоў ХХ стагоддзя гэта адна недарагая мадэль халадзільніка аб’ёмам 120 літраў. У 80-х гадах засвоены выпуск двухкамернага халадзільніка аб’ёмам 180 літраў. Да 90-х гадах наменклятура пашырана да пяці мадэляў, засвоены выпуск маразільнікаў.
На пачатак 2000-х завод складаўся з наступных цэхоў: кампрэсарны, агрэгатны, механа-штамповачны, інструментальны, зборкі халадзільнікаў.
Пачынаючы з 2002 года наменклятура ААТ «Айсберг» складаецца з больш за 15 мадэляў халадзільнікаў і маразільнікаў аб’ёмам ад 50 да 320 літраў.
Пачынаючы з 2007 года праведзена грунтоўная рэканструкцыя і мадэрнізацыя вытворчасці халадзільнікаў і маразільнікаў, за інвістыцыі беларускай фірмы «Атлант». За 2010 год ААТ «Айсберг» выпушчана больш за 200 тысяч адзінак прадукцыі.
Восенню 2014 года ААТ «Айсберг» спыніла існаванне з-за немагчымасці выплаты крэдыторам па даўгах. Асноўны крэдыторам з’яўляўся беларускі вытворца халадзільнікаў — Атлант.
Прадукцыя[правіць | правіць зыходнік]
Галоўная прадукцыя: бытавой халадзільнік «Смаленск», маразільнікі і кампрэсары для хатняга халадзільніка.
Зноскі
Спасылкі[правіць | правіць зыходнік]
- Ю.Ф. Тимаков, Б. Н. Мануилов. «АЙСБЕРГ» ОАО(недаступная спасылка). Энциклопедия Смоленской области. Архівавана з першакрыніцы 14 чэрвеня 2011. Праверана 5 кастрычніка 2020.
- О КОМПАНИИ . Айсберг, ОАО. Праверана 5 кастрычніка 2020.(недаступная спасылка)
- Алексей Костылев. Смоленск. Отныне без холодильников . Readovka. Праверана 5 кастрычніка 2020.