Алена Уладзіміраўна Навойкава

Алена Уладзіміраўна Навойкава
Нарадзілася	20 красавіка 1973(1973-04-20) (53 гады) Мінск, Беларуская ССР, СССР
Грамадзянства	Беларусь
Клубная кар’ера
1993—1995 Алімпія Познань[d] 1996—1998 ЦСКА Масква[d] 1998—2002 Арка Гдыня 2002 АЗС Познань[d]

Алена Уладзіміраўна Навойкава, па нараджэнні Мішына (нар. 20 красавіка 1973, Мінск, БССР, СССР) — беларуская баскетбалістка. Майстар спорту СССР. Выступала за зборную Беларусі.

Біяграфія

Баскетболам пачала займацца ў 1983 годзе ў сталічнай СДзЮСШАР «Гарызонт». Першым трэнерам была Марыя Іванаўна Сялюніна. Выступала за каманды: «Гарызонт» (Мінск — 1989-93), «Алімпія» (Познань, Польшча, Д1 — 1993-94), «Дынама» (Масква, Расія, Д1 — 1994-95), СКА (Самара, Расія, Д1 — 1996-98), «Гдыня» (Польшча, Д1 — 1998—2002), «Познань» (Польшча, Д1 — 2002-03).

Была капітанам нацыянальнай зборнай Беларусі. У яе складзе правяла 23 афіцыйныя матчы, сярэдняя рэзультатыўнасць — 11,1 ачка. Снайперскі рэкорд — 34 ачкі за матч.

Працуе трэнерам СДзЮШАР па баскетболе адзінай прафсаюзнай арганізацыі холдынга «Гарызонт».

Дасягненні

Сярэбраны прызёр чэмпіянату СССР (1989), уладальніца залатых медалёў чэмпіянату Беларусі (1993) і Польшчы (1999, 2000, 2001, 2002), бронзавы прызёр чэмпіянату Расіі (1995). Чэмпіёнка Еўропы ў складзе юніёрскай зборнай СССР (1990), чэмпіёнка, лепшы снайпер і лепшы гулец юніёрскага першынства кантынента ў складзе зборнай СНД (1992).

Спасылкі

• БАСКЕТБОЛ. ЛИЧНОСТЬ. Елена Навойкова: мосты сожжены
• Дама-хозяйка