Аляксандр Іванавіч Садоўскі

Аляксандр Іванавіч Садоўскі
Дата нараджэння	24 лістапада (6 снежня) 1859
Месца нараджэння	Віцебск, Віцебская губерня, Расійская імперыя
Дата смерці	26 снежня 1923(1923-12-26) (64 гады)
Месца смерці	Прага, Чэхаславакія
Грамадзянства	Расійская імперыя
Род дзейнасці	навуковец
Навуковая сфера	фізіка
Месца працы	Тартускі ўніверсітэт
Навуковае званне	прафесар
Альма-матар	Санкт-Пецярбургскі дзяржаўны ўніверсітэт

Аляксандр Іванавіч Садо́ўскі (24 лістапада (6 снежня) 1859, Віцебск — 26 снежня 1923, Прага) — расійскі вучоны-фізік і педагог. Прафесар (1894). Адзін з арганізатараў і ўдзельнікаў адбыўшагася ў 1902 годзе першага ў Расіі з’езда выкладчыкаў фізікі.

А. І. Садоўскі нарадзіўся ў Віцебску. У 1881 годзе скончыў Імператарскі Санкт-Пецярбургскі ўніверсітэт. Выкладаў у ВНУ Пецярбурга. З 1894 г. працаваў у Юр’еўскім універсітэце. З 1916 года загадчык кафедры Мікалаеўскай марской акадэміі і адначасова (з 1915 года) супрацоўнік ваенна-прамысловага камітэта. З 1919 года жыў у Празе.

Навуковая дзейнасць

А. І. Садоўскаму належаць навуковыя працы па оптыцы і электрамагнетызму. Тэарэтычна даказаў вярчальнае дзеянне палярызаваных электрамагнітных хваль (Эфект Садоўскага) у кнізе «Пандэраматорныя дзеянні электрамагнітных і светлавых хваль на крышталі» (1898).

Гл. таксама

• Эфект Садоўскага

Літаратура

• Болсун А. І. Садо́ўскі Аляксандр Іванавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 77. — 10 000 экз. — ISBN 985-11-0035-8. — ISBN 985-11-0238-5 (т. 14).
• Процька Т. Даследчык таямніцаў святла: Аляксандр Садоўскі. — Мн.: Навука і тэхніка, 1994. — 63 с. — ISBN 5-343-011301-5 (Нашы славутыя землякі).
• Садо́вский Александр Иванович (руск.) // Часопіс «Изобретатель». № 4 (196) 2016. — С. 39.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Садовский Александр Иванович Архівавана 4 мая 2014. // Вялікая савецкая энцыклапедыя (руск.)
• Садоўскі Аляксандр Іванавіч на сайце анлайн-энцыклапедыі «Беларусь у асобах і падзеях»