Аляксандр Адамавіч Ярашэвіч

Аляксандр Адамавіч Ярашэвіч
Дата нараджэння	28 жніўня 1940(1940-08-28)
Месца нараджэння	Любкаўшчына, Мікалаеўшчынскі сельсавет, Стаўбцоўскі раён, Беларусь
Дата смерці	28 кастрычніка 2016(2016-10-28) (76 гадоў)
Месца смерці	Мінск, Беларусь
Грамадзянства	СССР  Беларусь
Род дзейнасці	мастацтвазнавец
Навуковая сфера	мастацтвазнаўства
Месца працы	Аб’яднаны інстытут энергетычных і ядзерных даследаванняў «Сосны» Інстытут мастацтвазнаўства, этнаграфіі і фальклору імя Кандрата Крапівы НАН Беларусі Нацыянальны мастацкі музей Рэспублікі Беларусь
Навуковая ступень	кандыдат мастацтвазнаўства
Альма-матар	БДУ

Аляксандр Адамавіч Ярашэвіч (28 жніўня 1940, в. Любкаўшчына Стаўбцоўскага раёна, Мінская вобласць — 28 кастрычніка 2016, Мінск) — беларускі мастацтвазнавец. Кандыдат мастацтвазнаўства (2003).

Біяграфія

Скончыў БДУ (1962). З 1965 у Інстытуце ядзернай энергетыкі, у 1979—2003 у Інстытуце мастацтвазнаўства, этнаграфіі і фальклору НАН Беларусі. З 2004 у Нацыянальным мастацкім музеі Беларусі.

Даследуе мастацтва эпохі барока (скульптуру, іканапіс, алтарнае малярства, іканаграфію) і гісторыю рэлігіі на Беларусі (беларускія манастыры).

Адзін з аўтараў двухтомнага даведніка «Рымска-каталіцкія Кальварыйскія могілкі ў Мінску на Беларусі» (Варшава, 1996, 2000), аўтар кніг «„Маці Божая Снежная“ ў Беларусі» («Про Хрысто, 2003»), «Абраз Маці Божай Будслаўскай» («Про Хрысто, 2004»), укладальнік і адзін з аўтараў альбома «Музей старажытнабеларускай культуры» (Мн., 2004).

Памёр 28 кастрычніка 2016 года.

Літаратура

• Ярашэвіч Аляксандр Адамавіч // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 784. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• Аляксандр Ярашэвіч, аўтары часопіса Наша Вера