Аляксандр Антонавіч Пякарскі

Аляксандр Антонавіч Пякарскі
Дата нараджэння	30 мая 1952(1952-05-30) (71 год)
Месца нараджэння	Буда, Дзямідавіцкі сельскі Савет, Дзяржынскі раён, Мінская вобласць, БССР, СССР
Грамадзянства	СССР
Род дзейнасці	матэматык
Месца працы	Беларускі дзяржаўны тэхналагічны ўніверсітэт
Навуковая ступень	доктар фізіка-матэматычных навук
Альма-матар	БДУ

Аляксандр Антонавіч Пякарскі (30 мая 1952, в. Буда, Дзяржынскі раён, Мінская вобласць, БССР) — беларускі матэматык. Доктар фізіка-матэматычных навук (1991), прафесар (1993).

Біяграфія

Закончыў БДУ (1975). З 1982 года працаваў у Гродзенскім дзяржаўным універсітэце, з 2000 года працуе ў Беларускім тэхналагічным універсітэце. Навуковыя працы па тэорыі функцыі рэчаіснай і комплекснай зменных. Даказаў прамыя і адваротныя тэарэмы рацыянальнай апраксімацыі ў класічных функцыянальных прасторах.

Літаратура

• Пякарскі Аляксандр Антонавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 156. — 10 000 экз. — ISBN 985-11-0035-8. — ISBN 985-11-0216-4 (т. 13).
• Пякарскі Аляксандр Антонавіч // Памяць: Гіст.-дакум. хроніка Дзяржынскага р-на. — Мн.: БелТА, 2004. — С. 608. — 704 c.: іл. — ISBN 985-6302-64-1.