Дзямідавіцкі сельсавет (Дзяржынскі раён)

З Вікіпедыі, свабоднай энцыклапедыі
Дзямідавіцкі сельсавет
Краіна  Беларусь
Уваходзіць у Дзяржынскі раён
Уключае 26 населеных пунктаў
Адміністрацыйны цэнтр Дворышча
Дата ўтварэння 23 сакавіка 1932
Насельніцтва (2009) 1 721
Дзямідавіцкі сельсавет на карце
Часавы пояс UTC+03:00
Код аўтам. нумароў 5

Дзямі́давіцкі сельсавет — адміністрацыйна-тэрытарыяльная адзінка ў складзе Дзяржынскага раёна Мінскай вобласці Беларусі. Цэнтр — аграгарадок Дворышча.

Утвораны 23 сакавіка 1932 года як Сталінскі нацыянальны польскі сельсавет у складзе Койданаўскага нацыянальнага польскага раёна БССР. Цэнтр — пасёлак імя Сталіна. З 29 чэрвеня 1932 года ў складзе Дзяржынскага раёна. 14 мая 1936 года рэарганізаваны ў беларускі сельсавет. З 31 ліпеня 1937 года ў складзе Заслаўскага раёна. Пасля ўвядзення абласнога падзелу 20 лютага 1938 года ў Заслаўскім раёне Мінскай вобласці. З 4 лютага 1939 года ў складзе Дзяржынскага раёна. 16 ліпеня 1954 года да сельсавета далучана тэрыторыя скасаванага Байдацкага сельсавета, цэнтр сельсавета перанесены ў вёску Чэрнікаўшчына[1]. 8 красавіка 1957 года да сельсавета далучана частка скасаванага Вертнікаўскага сельсавета (12 населеных пунктаў: вёскі Вялікае Белякова, Крыштафова, Малое Белякова, Марцінавічы, Навасады, Піяніна, Плашава, Пярхурава, Чырвоная Змена, Шумшчына, пасёлак Вызваленне і хутар Буралом), у склад Фаніпальскага сельсавета перададзены 9 населеных пунктаў (вёскі Гаёўка, Дубрава, Леднікі, Лісаўшчына, Машчонае, Уса, Хамічы, Цяўлава і Чэрнікаўшчына), цэнтр сельсавета перанесены ў вёску Дзямідавічы, сельсавет перайменаваны ў Дзямідавіцкі[2]. У 1990 годзе цэнтр сельсавета перанесены ў вёску Юцкі. 18 сакавіка 2011 года цэнтр сельсавета перанесены ў аграгарадок Дворышча[3]. 30 снежня 2013 года на тэрыторыі сельсавета ўтвораны хутар Красулін[4].

Насельніцтва сельсавета паводле перапісу 2009 года — 1721 чалавек[5], з іх 90,4 % — беларусы, 5,9 % — рускія, 1,6 % — палякі, 0,8 % — украінцы[6].

Зноскі

  1. Указ Президиума Верховного Совета БССР от 16 июля 1954 г. Об объединении сельских советов Минской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.
  2. Рашэнне выканкома Мінскага абласнога Савета дэпутатаў працоўных ад 8 красавіка 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 5.
  3. Решение Дзержинского районного Совета депутатов от 18 марта 2011 г. № 57 О преобразовании деревни Дворище Дзержинского района в агрогородок Архівавана 4 чэрвеня 2020.
  4. Решение Дзержинского районного Совета депутатов от 30 декабря 2013 г. № 179 Об образовании хутора Красулин Демидовичского сельсовета Дзержинского района(недаступная спасылка)
  5. Насельніцтва населеных пунктаў Мінскай вобласці Беларусі паводле перапісу 2009 года Архівавана 29 чэрвеня 2015. (руск.)
  6. Этнічны склад насельніцтва сельсаветаў Беларусі паводле перапісу 2009 года (руск.)

Літаратура[правіць | правіць зыходнік]

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.