Аляксандр Васілевіч Прудзіла
Аляксандр Васілевіч Прудзіла | |
---|---|
Дата нараджэння | 8 сакавіка 1956 |
Месца нараджэння | |
Дата смерці | 12 чэрвеня 2024 (68 гадоў) |
Месца смерці | |
Грамадзянства | |
Род дзейнасці | псіхолаг |
Месца працы | |
Альма-матар | |
Партыя | |
Член у |
Аляксандр Васілевіч Прудзіла (8 сакавіка 1956, г. Гродна — 12 чэрвеня 2024) — беларускі псіхолаг, выкладчык.
Біяграфія[правіць | правіць зыходнік]
Нарадзіўся 8 сакавіка 1956 года ў Гродне. Скончыў у 1978 годзе гісторыка-педагагічны факультэт Гродзенскага дзяржаўнага ўніверсітэта імя Я. Купалы[1].
У 1980—1981 гадах працаваў старэйшым лабарантам навукова-даследчага сектара Гродзенскага дзяржаўнага ўніверсітэта імя Я. Купалы. У 1981—1986 гадах сацыёлагам Гродзенскага завода карданных валаў, у 1986—1987 гадах сацыёлагам Гродзенскага завода аўтамагнітол, у 1987—1996 гадах галоўным прафкансультантам Гродзенскага гарадскога цэнтра прафесійнай арыентацыі моладзі[1].
У 1996—1999 гадах загадчык курса агульнай псіхалогіі кафедры медыцынскай псіхалогіі і псіхатэрапіі медыка-псіхалагічнага факультэта Гродзенскага медыцынскага інстытута. У 2000—2002 гадах дацэнт кафедры агульнай і сацыяльнай псіхалогіі, пасля да 2008 года — загадчык курса агульнай псіхалогіі кафедры псіхіятрыі[1].
З 2009 года займаў пасаду старэйшага выкладчыка кафедры эксперыментальнай і прыкладной псіхалогіі[1].
Член Гродзенскага грамадскага аб’яднання практычных псіхолагаў, член Беларускай сацыял-дэмакратычнай партыі (Грамада)[2].
Памёр 12 чэрвеня 2024 года[2].
Навуковая дзейнасць[правіць | правіць зыходнік]
Займаўся пытаннямі псіхалогіі працы і этнапсіхалогіі[3]. Прудзіла аўтар 52 навуковых прац і 13 укараненняў. Сярод іх манаграфія «Псіхалагічнае кансультаванне ў прафесійнай арыентацыі» і падручнік для агульнаадукацыйных устаноў «Твая прафесійная кар’ера»[2].
Захапляўся мастацтвам: ад плакатаў на паперы, да партрэтаў і пейзажаў алейнымі фарбамі на палатне[2].
Крыніцы[правіць | правіць зыходнік]
- ↑ а б в г О сотрудниках Эксперим псих . web.archive.org (9 чэрвеня 2012). Праверана 17 чэрвеня 2024.
- ↑ а б в г Памёр Аляксандр Прудзіла . Наша Ніва (16 чэрвеня 2024). Праверана 17 чэрвеня 2024.
- ↑ Аляксандр Васілевіч Прудзіла ў Зводным электронным каталогу бібліятэк Беларусі
- Нарадзіліся 8 сакавіка
- Нарадзіліся ў 1956 годзе
- Нарадзіліся ў Гродне
- Памерлі 12 чэрвеня
- Памерлі ў 2024 годзе
- Памерлі ў Гродне
- Выкладчыкі Гродзенскага дзяржаўнага ўніверсітэта імя Янкі Купалы
- Выпускнікі гістарычнага факультэта ГрДУ імя Янкі Купалы
- Члены Беларускай сацыял-дэмакратычнай партыі (Грамада)
- Асобы
- Вучоныя паводле алфавіта
- Вікіпедыя:Артыкулы пра асоб, якія не маюць старонак цёзак па прозвішчы
- Псіхолагі Беларусі