Аляксандр Маркавіч Фельдман

Аляксандр Маркавіч Фельдман
Род дзейнасці	матэматык
Дата нараджэння	14 лютага 1937(1937-02-14) (87 гадоў)
Месца нараджэння	Сімферопаль, Крымская Аўтаномная Савецкая Сацыялістычная Рэспубліка, РСФСР, СССР
Грамадзянства	СССР  Беларусь
Месца працы	сярэдняя школа
Альма-матар	БДПУ
Узнагароды і прэміі

Аляксандр Маркавіч Фельдман (нар. 14 лютага 1937, г. Сімферопаль, Крымская АССР) — беларускі настаўнік-метадыст. Заслужаны настаўнік Рэспублікі Беларусь.

Біяграфія

Нарадзіўся ў сям’і музыканта-флейтыста. У два гады пераехаў з бацькамі ў Чалябінск, дзе перажыў вайну, а ў 1944 годзе — у горад Каўроў (сёння —адміністрацыйны цэнтр аднайменнага раёна Уладзімірскай вобласці Расіі). У Каўрове фарміравалася трупа Дзяржаўнага тэатра оперы і балета Беларускай ССР, куды быў запрошаны і яго бацька. У лістападзе 1944 г. сям’я пераехала ў Мінск.

Вучыўся ў мінскіх школах № 24 (сёння — дзяржаўная ўстанова адукацыі «Гімназія № 24 г. Мінска») і № 42, дзе яму выкладаў фізіку настаўнік нобелеўскага лаўрэата па фізіцы Жарэса Алфёрава Я. Б. Мельцэрзон. Паралельна навучаўся музыцы па класе скрыпкі спачатку ў музычнай школе, а потым — у сярэдняй спецыяльнай музычнай школе пры Беларускай дзяржаўнай кансерваторыі імя А. В. Луначарскага

Скончыў матэматычны факультэт Мінскага дзяржаўнага педагагічнага інстытута імя М. Горкага . Пасля заканчэння інстытута працаваў у розных школах Беларусі. З 1968 г. выкладчык матэматыкі ў сярэдняй школе № 19 імя Янкі Купалы г. Мінска.

Навуковая і педагагічная дзейнасць

Артыкулы А. Фельдмана друкаваліся ў саюзным часопісе «Математика в школе», беларускіх перыядычных выданнях: часопісах «Матэматыка» і «Минская школа сегодня», «Настаўніцкай газеце».

З’яўляецца стваральнікам «метаду прамавугольнага тэтраэдра», які ўжываецца пры рашэнні стэрэаметрычных задач (сфармуляваны і аформлены ў 1986 годзе, афіцыйна апублікаваны ў навукова-метадычным часопісе Міністэрства асветы СССР «Математика в школе» у 1988 годзе).

Кнігі, артыкулы

• Фельдман, А. М. Математики в школе много не бывает: из опыта преподования некоторых тем учебной програмы по математике / А. М. Фельдман. — Минск : Народная асвета, 2017. — 143 с.
• Фельдман, А. М. Элементы комбинаторики. Бином Ньютона : [урок математики, 10-й класс) / А. М. Фельдман // Настаўніцкая газета. — 2016. — 19 сак. — С. 20—21.
• Фельдман, А. М. От задачи к задаче : теорема Менелая : [в помощь учителю] / А. М. Фельдман // Матэматыка. — 2018. — № 6. — С. 46—54.
• Фельдман, А. М. От задачи к задаче: вращение плоских фигур : [в помощь учителю] / А. М. Фельдман // Матэматыка. — 2019. — № 6. — С. 57—62 Архівавана 20 чэрвеня 2021..
• Фельдман, А. М. Про ОДЗ и не только : (о логике решения уравнений в школьном курсе алгебры) / А. М. Фельдман // Матэматыка. — 2022. — № 1. — С. 55—60.

Узнагароды і званні

• 1999 — дэлегат I з’езда настаўнікаў Беларусі;
• 2001 — званне «Заслужаны настаўнік Рэспублікі Беларусь»;
• 2004 — кваліфікацыйная катэгорыя «настаўнік-метадыст» Міністэрства адукацыі Рэспублікі Беларусь;
• 2006 — дэлегат III Усебеларускага народнага сходу
• двойчы — «Сорасаўскі настаўнік».

Літаратура

• Фельдман Александр Маркович // Учителя-методисты столицы: теория и практика професионального роста : банк данных (2015—2019 гг.) / сост. : Б. В. Пальчевский [и др.]; науч. ред. Т. И. Мороз. — Минск: МГИРО, 2021. — С. 122—125.
• Александр Фельдман: «Математика — это системообразующий предмет!» : [беседа с учителем математики средней школы № 19 г.] / беседовал Александр Каменчуков // Минская школа сегодня. — 2016. — № 11. — С. 8—11.
• Матэматыкі многа не бывае : [гутарка з настаўнікам матэматыкі мінскай сярэдняй школы № 19 Аляксандрам Маркавічам Фельдманам] / гутарыла Вольга Дубоўская // Настаўніцкая газета. — 2017. — 18 лют. — С. 8.
• Александр Фельдман: «В год столетнего юбилея школы я продолжу педагогическую деятельность» : [беседа с учителем математики средней школы № 19 г.] / беседовал Алесь Громыко // Минская школа сегодня. — 2017. — № 8. — С. 52—53.

Спасылкі

• Фельдман Александр Маркович Архівавана 3 сакавіка 2022.. Банк дадзенных настаўнікаў кваліфікацыйнай катэгоріі «настаўнік-метадыст»
• Старейший в стране учитель математики Александр Фельдман – о царице наук, талантливых учениках и любимой цифре
• Старейший учитель математики Беларуси: «Три часа на весь тест недостаточно»(недаступная спасылка)
• Легендарный учитель Александр Фельдман: «Планирую проработать до 99 лет»(недаступная спасылка)
• «Успехи моих учеников – это мои успехи». Заслуженный учитель математики Беларуси – о своей работе и как заслужить любовь своих учеников Архівавана 4 снежня 2020.