Аляксандр Паўлавіч Підоплічка

Аляксандр Паўлавіч Підоплічка
Дата нараджэння	10 верасня 1907(1907-09-10)
Месца нараджэння	Казацкэ, Казачанская воласць[d], Звянігародскі павет[d], Кіеўская губерня, Расійская імперыя
Дата смерці	1980 ці 1985
Грамадзянства	Расійская імперыя, СССР
Навуковая сфера	брыялогія, балотазнаўства
Месца працы	Украінскі навукова-даследчы інстытут тарфяной прамысловасці, Цэнтральны батанічны сад Нацыянальнай акадэміі навук Беларусі, Інстытут прыродакарыстання НАН Беларусі, Беларускі нацыянальны тэхнічны ўніверсітэт
Навуковая ступень	доктар біялагічных навук
Альма-матар	Кіеўскі інстытут прафесійнай адукацыі

Аляксандр Паўлавіч Підо́плічка (10 верасня 1907 — 1980 ці 1985) — вучоны, батанік, балотазнаўца, брыёлаг, доктар біялагічных навук (1963).

Біяграфія

Нарадзіўся сяле Казацкэ (Звэныгародскі павет, Кіеўская губерня, Расійская імперыя, зараз у Звэныгародскім раёне Чаркаскай вобласці Украіны). У 1931 годзе скончыў Кіеўскі інстытут прафесійнай адукацыі. Да 1935 года працаваў ва Украінскім навукова-даследчым інстытуце тарфяной прамысловасці. У 1935—1941, 1944—1945 гг. у Цэнтральным батанічным садзе Акадэміі навук БССР. З 1945 года ў Інстытуце торфу АН БССР — старэйшы навуковы супрацоўнік, загадчык лабараторыі тарфяных і сапрапелевых радовішчаў. Адначасова ў 1947—1950 гг. выкладаў у Беларускім політэхнічным інстытуце.

Навуковая і грамадская дзейнасць

Аўтар навуковых прац па генезісе тарфяных і азёрных адкладаў. Вывучаў геаграфічныя асаблівасці распаўсюджвання тарфяных балот. Прымаў удзел у складанні Атласа БССР (1958), даведнікаў «Торфяной фонд Белорусской ССР» (1953), «Сапрапелевые месторождения СССР» (1964). Сярод апублікаваных прац:

• Определитель остатков травянистых растений и зелёных мхов (Bryales) в торфе. — Мн., 1936.;
• Флора сфагновых (торфяных) мхов Белорусской ССР. — Мн., 1948.;
• Торфяные месторождения Белоруссии: (генезис, стратиграфия и районирование). — Мн., 1961.;
• Озёрные отложения Белорусской ССР: (генезис, стратиграфия и некоторые особенности). — Мн., 1975.

Член Усесаюзнага батанічнага таварыства з 1952 года.

Літаратура

• Підоплічка Аляксандр Паўлавіч // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз. — С. 189.
• Аношко В. С. История и методология почвоведения. — Мн.: Вышэйшая школа, 2013. — (ВУЗ. Студентам высших учебных заведений). — ISBN 978-985-06-2276-1. (руск.)

Спасылкі

• Підоплічка, Аляксандр Паўлавіч (доктар біялагічных навук; 1907—1980 ці 1985) // Нацыянальная бібліятэка Беларусі
• История становления и развития Центрального ботанического сада Национальной академии наук Беларуси (руск.)
• Підоплічка Аляксандр Паўлавіч на сайце анлайн-энцыклапедыі «Беларусь у асобах і падзеях»
• Підоплічка Аляксандр Паўлавіч, доктар біялагічных навук на сайце анлайн-энцыклапедыі «Беларусь у асобах і падзеях»