Валерый Станіслававіч Аношка

З пляцоўкі Вікіпедыя
Перайсці да: рух, знайсці
Дата нараджэння

9 жніўня 1938(1938-08-09) (78 гадоў)

Месца нараджэння

Чэрвеньскі раён, Мінская вобласць, БССР, СССР

Навуковая сфера

геаграфія, глебазнаўства

Навуковая ступень

доктар геаграфічных навук

Альма-матар

Беларускі дзяржаўны ўніверсітэт

Валерый Станіслававіч Аношка (9 жніўня 1938, в. Гайдукова Слабодка Чэрвеньскі раён, Мінская вобласць) — беларускі географ, глебазнавец, доктар геаграфічных навук (1990), член-карэспандэнт Міжнароднай акадэміі навук Еўразіі (1994), акадэмік Міжнароднай акадэміі экалогіі (1995), акадэмік Міжнароднай акадэміі навук педагагічнай адукацыі (2001).

Біяграфічныя звесткі[правіць | правіць зыходнік]

Скончыў геаграфічны факультэт БДУ (1963). З 1963 працуе ў БелНДІ глебазнаўства і аграхіміі інжынерам-глебазнаўцам, з 1964 года — у БДУ. Загадчык кафедры глебазнаўства і геалогіі геаграфічнага факультэта БДУ (1980—2004), прафесар (з 1991). Намеснік старшыні тапанімічнай камісіі.

Навуковая дзейнасць[правіць | правіць зыходнік]

Асноўны напрамак навуковых даследаванняў: глебазнаўства, меліяратыўная геаграфія, інжынерная геаграфія, геаграфічнае прагназаванне, геаэкалогія.

Адзін з заснавальнікаў новага навуковага кірунку — меліяратыўна-інжынернай геаграфіі; распрацаваў канцэпцыю і склаў карту тэхнагеннай парушанасці прыродных комплексаў Беларусі; выявіў заканамернасці трансфармацыі прыродных комплексаў і асобных кампанентаў пад уплывам асушальнай меліярацыі.

Адзін з ініцыятараў і арганізатараў геалагічнай спецыяльнасці на геаграфічным факультэце БДУ.

Бібліяграфія[правіць | правіць зыходнік]

Аўтар больш як 350 навуковых прац, у тым ліку 9 манаграфій, 6 падручнікаў і 17 вучэбных дапаможнікаў.

  • Микроэлементы в почвах Белоруссии и эффективность микроудобрений. Минск, 1970 (у суаўтарстве).
  • Белорусское Поозерье: анализ эколого-мелиоративного состояния. Минск, 1992 (у суаўтарстве).
  • Мелиоративная география: Учебник для вузов. Минск, 1987; Учебник для вузов России. Москва, 1995 (у суаўтарстве).
  • Агульная геаграфія: Вучэб. дапам. для 10-га кл. / Я. М. Мяшэчка, В. С. Аношка, Б. М. Крайко і інш. — Мн.: Нар. асвета, 1997.
  • Геаграфія глебаў з асновамі глебазнаўства. Мн., 2000 (у суаўтарстве).
  • Гісторыя развіцця глебазнаўства на Беларусі: Дапам. для студэнтаў геагр. спецыяльнасцей ВНУ. — Мн.: Бел. дзярж. ун-т, 2000.
  • Инженерная география с основами прогнозирования. Мн., 2002.
  • Акадэмік Іван Сцяпанавіч Лупіновіч: да 110-годдзя з дня нараджэння // Геаграфія: праблемы выкладання. 2010. — № 4. — С. 58—59

Грамадская дзейнасць[правіць | правіць зыходнік]

З'яўляўся старшынёй грамадскага аб'яднання «Беларускае геаграфічнае таварыства» (19832004)[1].

Прэміі і ўзнагароды[правіць | правіць зыходнік]

Узнагароджаны ордэнам Францыска Скарыны (1996), нагрудным знакам «Выдатнiк адукацыi Рэспублiкi Беларусь» (1998), ганаровай граматай Савета Мiнiстраў Рэспублікі Беларусь (2003), граматамі Міністэрства адукацыі Беларусі і іншых ведамстваў. Лаўрэат прэміі імя акадэміка А. Н. Саўчанкі (1999).

Зноскі

Літаратура[правіць | правіць зыходнік]

  • Профессора и доктора наук Белорусского государственного университета . Мн., 2001. С. 14-15.
  • Беларуская энцыклапедыя. Т.1. Мн., 1996. С. 375.

Спасылкі[правіць | правіць зыходнік]