Аляксандр Сяргеевіч Сяднёў

Аляксандр Сяднёў
Агульная інфармацыя
Поўнае імя	Аляксандр Сяргеевіч Сяднёў
Нарадзіўся	16 жніўня 1973(1973-08-16) (45 гадоў) Магілёў, Магілёўская вобласць, БССР, СССР
Грамадзянства	Беларусь
Рост	187 см
Вага	80 кг
Пазіцыя	абаронца
Інфармацыя пра клуб
Клуб	Актабэ
Пасада	галоўны трэнер
Кар’ера
Клубная кар’ера*
1991	Дняпро (Магілёў)	9 (0)
1992 — 1995	Тарпеда (Магілёў)	91 (1)
1995	Чарнаморац (Новарасійск)	5 (0)
1996 — 1997	МПКЦ (Мазыр)	34 (3)
1997	Трансмаш (Магілёў)	13 (0)
1998 — 1999	Балтыка (Калінінград)	33 (3)
1999 — 2000	Тарпеда-МАЗ (Мінск)	45 (9)
2001 — 2002	Белшына (Бабруйск)	39 (10)
2003	БАТЭ (Барысаў)	6 (0)
2003 — 2005	Нафтан (Наваполацк)	67 (2)
Трэнерская кар’ера
2006 — 2008	Савіт (Магілёў)
2009 — 2011	Белшына (Бабруйск)
2011 — 2012	Дынама (Мінск)
2012 — 2015	Белшына (Бабруйск)
2016 — 2017	Дняпро (Магілёў)
2018	Актабэ	трэнер
2019 —	Актабэ
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 10 студзеня 2019.

Аляксандр Сяднёў (нар. 16 жніўня 1973, Магілёў) — былы беларускі футбаліст (гуляў на пазіцыі абаронцы), а потым трэнер. У цяперашні час працуе галоўным трэнерам казахстанскага клуба «Актабэ».

Кар’ера

Клубная

Выхаванец магілёўскага футбола, гуляў у розных беларускіх клубах і ў Расіі. Двойчы быў чэмпіёнам Беларусі і пераможцам Кубка Беларусі ў складзе МПКЦ і «Белшыны». Апошнія гады правёў у складзе наваполацкага «Нафтана».

Трэнерская

У 2005 годзе завяршыў кар’еру футбаліста і ўзначаліў новаствораны магілёўскі «Савіт». Вывеў гэты клуб спачатку ў Першую, а потым і ў Вышэйшую лігу. Пасля таго як «Савіт» спыніў існаванне, у 2009 годзе быў запрошаны ў «Белшыну», якая намагалася вярнуцца ў Вышэйшую лігу. Узначаліўшы бабруйскі клуб, Сяднёў выканаў пастаўленую мэту, атрымаўшы ўпэўненую перамогу ў Першай лізе.

У Вышэйшай лізе «Белшына» разглядалася як адзін з аўтсайдэраў, але клуб здолеў заняць 6 месца ў сезоне 2010 і 5 месца ў сезоне 2011, у чым была вялікая заслуга галоўнага трэнера. У 2011 годзе быў запрошаны ў мінскае «Дынама» і з 1 снежня афіцыйна ўзначаліў гэты клуб. У ліпені 2012 года быў адпраўлены ў адстаўку з-за незадавальняючых вынікаў (аб адстаўцы было абвешчана дыктарам стадыёна адразу пасля матча з «Нёманам»). Хутка пасля гэтага, 23 ліпеня, вярнуўся на пасаду галоўнага трэнера «Белшыны».

Выдатна правёў з «Белшынай» сезон 2015, калі, нягледзячы на фінансавыя праблемы і не самы моцны склад, каманда здолела заняць высокае 4-е месца ў чэмпіянаце. Па заканчэнні сезону Сяднёў абвясціў, што пакідае бабруйскі клуб.

У студзені 2016 года ўзначаліў магілёўскі «Дняпро», які па выніках сезону 2016 вывеў у Вышэйшую лігу. Па заканчэнні сезону 2017 пакінуў магілёўскі клуб.

У лютым 2018 года ўваўшоў у трэнерскі штаб казахстанскага клуба «Актабэ», дзе стаў трэнерам па фізпадрыхтоўцы, а ў студзені 2019 года заняў пасаду галоўнага трэнера.

Мае ліцэнзію УЕФА катэгорыі «Pro».

Дасягненні

Ігравыя

• 01 Чэмпіён Беларусі (2): 1996, 2001
• Уладальнік Кубка Беларусі: 1996, 2001

Трэнерскія

• Пераможца Першай лігі чэмпіянату Беларусі (2): 2007, 2009

Спасылкі

• Профіль на сайце transfermarkt.com (англ.) 
• Статыстыка на сайце footballfacts.ru (руск.) 
• Профіль на сайце pressball.by