Аляксандр Хадкевіч (ваявода троцкі)

Аляксандр Хадкевіч
Касцеша
ваявода троцкі 25 лютага 1605 — 1626
Папярэднік	Мікалай Крыштаф Радзівіл Сіротка
Пераемнік	Януш Тышкевіч
староста скірстымонскі[d] 16 сакавіка 1619 — 1620
Папярэднік	Соф’я з Вішнявецкіх[d]
Пераемнік	Рыгор Фёдаравіч Масальскі[d]
Нараджэнне	1560 Трокі, Троцкі павет, Троцкае ваяводства, Вялікае Княства Літоўскае
Смерць	1626
Род	Хадкевічы
Бацька	Ян Геранімавіч Хадкевіч
Маці	Крысціна са Збароўскіх[d]
Жонка	Кацярына з Карняктаў[d]
Дзеці	Ганна Ефрасіння з Хадкевічаў[d]

Аляксандр Хадкевіч (пам. 1626) — з 1605 года ваявода троцкі, граф (Свяшчэннай Рымскай імперыі) на Шклове і Мышы.

Быў старэйшым братам Яна Караля Хадкевіча. Вывучаў філасофію і права ў езуіцкай акадэміі ў Інгальштаце. У 1588 годзе абараніў і абвесціў дысертацыю De communibus naturalium rerum principiis. У 1589 годзе для заканчэння навучання выехаў у Італію. У 1590 годзе вярнуўся ў Вялікае Княства Літоўскае. У 1595 годзе быў паслом на сойм. У 1600 годзе разам з братам Янам Каралем удзельнічаў у выправе Яна Замойскага на Валахію, у 1601 годзе падтрымліваў ваенныя дзеянні ў Інфлянтах. Удзельнічаў у бітве пад Кірхгольмам у 1605 годзе. Стаў ваяводам троцкім, але меў працяглы асабісты канфлікт з малодшым братам, за падзел маёмасці і жаніцьбы, а пасля яго смерці — з Львом Сапегам за яго спадчыну.

У 1613 годзе быў абраны да Скарбовага Трыбунала Вялікага Княства Літоўскага. У 1613 годзе быў вызначаны сенатарам-рэзідэнтам. Адзіная дачка Ганна-Фрузына выйшла замуж за кароннага харунжага Пракопа Сяняўскага.

Літаратура

• Herbst S. Chodkiewicz Aleksander h. Gryf z Mieczem (†1626) // Polski Słownik Biograficzny. — Kraków, 1937. — T. ІІІ/1, zeszyt 11. — 480 s. — S. 355. (польск.)