Аляксей Міхайлавіч Лявіцкі

Аляксей Міхайлавіч Лявіцкі
Другі сакратар Цэнтральнага камітэта КПБ 11 жніўня 1937 — 30 сакавіка 1938
Папярэднік	Мікалай Дзеніскевіч
Пераемнік	Анатоль Ананьеў
Нараджэнне	27 кастрычніка 1904(1904-10-27) Бараціна, Багародзіцкі павет[d], Тульская губерня, Расійская імперыя
Смерць	1964 Масква, РСФСР, СССР
Партыя	КПСС
Адукацыя	Маскоўская сельскагаспадарчая акадэмія імя К. А. Ціміразева
Ваенная служба
Прыналежнасць	СССР
Званне	Падпалкоўнік
Бітвы	Вялікая Айчынная вайна
Узнагароды

Аляксе́й Міха́йлавіч Ляві́цкі (1904, сяло Бараціна Тульскай губерні — 1964, г. Масква) — дзеяч УКП(б), в. а. 2-га сакратара ЦК КП(б) Беларусі. Дэпутат Вярхоўнага Савета СССР 1-га склікання. Уваходзіў у склад асобай тройкі НКУС СССР.

Біяграфія

Нарадзіўся ў 1904 годзе ў вёсцы Бараціна Тульскай губерні ў сям’і чыноўніка.

Член партыі бальшавікоў з 1920 года. У 1919—1921 гадах чырвонармеец Камуністычнага палка РСЧА.

У 1921—1922 гадах — інструктар, загадчык аддзела Бялёўскага павкама РКП(б) Тульскай губерні, інфарматар Тульскага губкама РКП(б). У 1922—1924 гадах — інструктар, загадчык аддзела павкама, сакратар Епіфаньскага райбюро РКП(б). У 1925—1928 гадах — упаўнаважаны павпрафбюро, загадчык аддзела райкама УКП(б), старшыня райвыканкама у г. Сярэбраныя Пруды Маскоўскай губерні. Пасля старшыня райвыканкама у Дубне Тульскай вобласці. У 1928—1930 гадах — загадчык аддзела сялсельсаюза, інструктар акрвыканкама, намеснік начальніка Тульскага акружнога зямельнага аддзела. У 1930—1933 гадах сакратар райкама УКП(б) у г. Чэрнь Маскоўскай вобласці. У 1933—1937 гадах — сакратар райкама УКП(б) у г. Сасава Разанскай вобласці.

З 11 жніўня 1937 года па 30 сакавіка 1938 года — в. а. другога сакратара ЦК КП(б) Беларусі, з 31 студзеня 1938 года па 15 мая 1940 года — член ЦК і Бюро ЦК КП(б) Беларусі. Гэты перыяд адзначаны уваходжаннем у склад асобай тройкі, створанай па загаду НКУС СССР ад 30 ліпеня 1937 года № 00447 і актыўным удзелам у сталінскіх рэпрэсіях.

У 1938—1941 гадах — студэнт Сельгасакадэміі імя Ціміразева.

У 1941—1946 гадах — камісар Горкаўскага танкавага вучылішча, начальнік палітаддзела 15-й танкавай брыгады 5-й гвардзейскай танкавай арміі.

У 1946—1950 гадах — старшыня Лухавіцкага райвыканкама Маскоўскай вобласці. У 1950—1953 гадах = начальнік Маскоўскага аблупраўлення сельскай гаспадаркі. У 1953—1956 гадах = начальнік Маскоўскага аблупраўлення сельскай гаспадаркі і нарыхтовак Міністэрства сельскай гаспадаркі. У 1957—1964 гадах = у апараце Эканамічнай камісіі Савета нацыянальнасцяў Вярхоўнага Савета СССР.

Узнагароды

• Ордэн «Знак Пашаны», 15.12.1943 г.
• Ордэн Айчыннай вайны II ступені, 16.01.1944 г.
• Ордэн Чырвонага Сцяга, 19 ліпеня 1944 г.

Спасылкі

• Лявіцкі Аляксей Міхайлавіч // Сайт Istmat.info Архівавана 11 жніўня 2017.
• Лявіцкі Аляксей Міхайлавіч // Даведнік па гісторыі Камуністычнай партыі і Савецкага Саюза 1898—1991