Аляксей Сяргеевіч Бушмін

Аляксей Сяргеевіч Бушмін
руск.: Алексей Сергеевич Бушмин
Дата нараджэння	2 (15) кастрычніка 1910 ці 15 кастрычніка 1910(1910-10-15)
Месца нараджэння	Левая Росаш[d], Q14504596?, Кашырскі раён, Варонежская вобласць
Дата смерці	19 сакавіка 1983(1983-03-19) (72 гады)
Месца смерці	Ленінград, РСФСР, СССР
Месца пахавання	Камароўскія пасялковыя могілкі[d]
Грамадзянства	СССР
Род дзейнасці	літаратуразнавец
Навуковая сфера	літаратуразнаўства
Месца працы	Пушкінскі Дом[d]
Навуковая ступень	доктар філалагічных навук
Альма-матар	Варонежскі дзяржаўны педагагічны ўніверсітэт[d]
Навуковы кіраўнік	Аляксандр Міхайлавіч Яголін[d]
Партыя	КПСС
Член у	Акадэмія навук СССР
Узнагароды

Аляксей Сяргеевіч Бушмі́н (руск.: Алексей Сергеевич Бушмин; 2 (15) кастрычніка 1910 — 19 сакавіка 1983) — савецкі літаратуразнавец, акадэмік Акадэміі навук СССР (1979, член-карэспандэнт з 1960).

Біяграфія

Нарадзіўся ў сяле Левая Росаш Караткаярскага павета Варонежскай губерні (зараз у Кашырскім раёне Варонежскай вобласці Расіі). У 1932 годзе скончыў Варонежскі зоаветэрынарны інстытут. Колькі часу працаваў у саўгасе, а з 1933 г. у зоаветэрынарным інстытуце і адначасова на кафедры эканомікі і арганізацыі прадпрыемстваў Варонежскай камуністычнай сельскагаспадарчай школы. У 1939 годзе экстэрнам скончыў факультэт рускага языка і літаратуры Варонежскага педагагічнага інстытута. З кастрычніка 1941 г. вучыўся ў Ваенна-палітычнай акадэміі імя У. І. Леніна, пасля сканчэння якой выкладаў у Ленінградскім ваенна-палітычным вучылішчы. Пасля дэмабілізацыі ў 1946 г. А. С. Бушмін — навуковы супрацоўнік у Інстытуце рускай літаратуры (Пушкінскі Дом) Акадэміі навук СССР, з 1951 г. намеснік дырэктара інстытута, у 1955—1965 гг. і з 1978 г. яго дырэктар.

Памёр А. С. Бушмін 19 сакавіка 1983 г. у Ленінградзе. Пахаваны на Камароўскіх пасялковых могілках.

Навуковая дзейнасць

Вучонаму належаць працы па распрацоўцы праблем метадалогіі літаратуразнаўства, тэорыі і гісторыі рускай літаратуры XIX—XX стагоддзяў. Займаўся даследаваннем творчасці М. Я. Салтыкова-Шчадрына, А. С. Серафімовіча, А. А. Фадзеева.

Сярод апублікаванага:

• Роман А. Фадеева «Разгром», Л., 1954;
• Сатира Салтыкова-Щедрина, М. — Л., 1959;
• Сказки Салтыкова-Щедрина, М. — Л., 1960;
• манаграфія «Методологические вопросы литературоведческих исследований» (1969).

Літаратура

• Бушмін Аляксей Сяргеевіч // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3). — С. 367.

Спасылкі

• Профіль Аляксея Сяргеевіча Бушміна на афіцыйным сайце РАН (руск.)
• Баскаков В. Н Бушмин Алексей Сергеевич (1910—1983). Краткий очерк научной, педагогической и общественной деятельности (руск.) // Інстытут рускай літаратуры (Пушкінскі Дом) Расійскай акадэміі навук
• Бушмин Алексей Сергеевич (руск.) — артыкул з Вялікай савецкай энцыклапедыі