Аляска (заліў)

Аляска
англ.: Gulf of Alaska
Медыяфайлы на Вікісховішчы

Заліў Аляска (англ.: Alaska) — адкрыты заліў Ціхага акіяна, каля берагоў Паўночнай Амерыкі, паміж паўвостравам Аляска і востравам Ванкувер.

Плошча 384 000 км², шырыня каля ўвахода больш за 2 200 км, глыбіня да 4 929 м. Прылівы паўсутачныя (да 12 м) і мяшаныя (да 6,8 м). У заліве Аляска — востраў Кадзьяк, востраў Чырыкава, архіпелаг Аляксандра і астравы Каралевы Шарлоты. Галоўныя парты: Сьюард (ЗША), Прынс-Руперт (Канада).

Берагавая лінія заліва моцна парэзана, берагі прадстаўлены лясамі, гарамі і ледавікамі, якія спускаюцца да мора. Сярод іх — самы вялікі далінны ледавік у Паўночнай Амерыцы — ледавік Хабард. Вялікая колькасць бухт і эстуарыяў.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).