Амура-Якуцкая магістраль
Амура-Якуцкая магістраль (руск.: Амуро-Якутская магистраль) — чыгунка, якая будуецца ў Якуціі. Цягнецца на 830 км ад Беркакіта (канцовая кропка галіны БАМу Тында-Беркакіт) у мерыдыянальным кірунку да Якуцка. Будаўніцтва пачалося ў 1985 г. У 2004 г. быў адкрыты пасажырскі рух на ўчастку Алдан-Тамот (вагон Тамот-Масква ідзе 5,5 сутак). Завяршэнне будаўніцтва плануецца на 2012 г. Пры гэтым разглядаецца два варыянты канцовага пункту:
- пасёлак Ніжні Бесця́х на супрацьлеглым ад Якуцку беразе Лены;
- непасрэдна Якуцк з будаўніцтвам 3-кіламетровага чыгуначна-аўтамабільнага мосту праз Лену.
Будаўніцтва чыгункі значна палепшыць транспартнае становішча Якуціі і яе адміністрацыйнага цэнтру.
