Андрэас Іваншыц

З пляцоўкі Вікіпедыя
Jump to navigation Jump to search
Футбол
Андрэас Іваншыц
FIFA WC-qualification 2014 - Austria vs. Germany 2012-09-11 - Andreas Ivanschitz 01.JPG
Агульная інфармацыя
Нарадзіўся 15 кастрычніка 1983(1983-10-15)[1][2] (36 гадоў)
Грамадзянства Flag of Austria.svg Аўстрыя
Рост 184 см
Вага 82 кг
Пазіцыя паўабаронца
Інфармацыя пра клуб
Клуб завяршыў кар’еру
Кар’ера
Маладзёжныя клубы
1989 — 1998 Аўстрыя Баўмгартэн
Клубная кар’ера*
1998 — 2005 Аўстрыя Рапід (Вена) 147 (25)
2006 Аўстрыя Рэд Бул 13 (1)
2006 — 2009 Грэцыя Панатынаікос 62 (12)
2009 — 2013 Германія Майнц 05 104 (22)
2013 — 2015 Іспанія Левантэ 49 (4)
2015 — 2016 Злучаныя Штаты Амерыкі Сіэтл Саўндэрс 34 (4)
2017 — 2018 Чэхія Вікторыя (Пльзень) 13 (3)
Нацыянальная зборная**
1997 — 1999 Аўстрыя Аўстрыя (да 17) 17 (1)
1999 — 2000 Аўстрыя Аўстрыя (да 18) 5 (1)
2001 — 2003 Аўстрыя Аўстрыя (да 21) 10 (1)
2003 — 2014 Аўстрыя Аўстрыя 69 (12)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 12 мая 2019.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 11 чэрвеня 2015.

Андрэас Іваншыц (ням.: Andreas Ivanschitz, харв.: Andreas Ivančić; нар. 15 кастрычніка 1983, Айзенштат, Аўстрыя) — былы аўстрыйскі футбаліст, паўабаронца. Ігрок нацыянальнай зборнай Аўстрыі (2003—2014).

Кар’ера[правіць | правіць зыходнік]

Раннія гады[правіць | правіць зыходнік]

Андрэас Іваншыц нарадзіўся ў сям’і градзішчанскіх харватаў, якія кампактна пражываюць у Бургенландзе. Займацца футболам ён пачаў у мясцовай камандзе «Баўмгартэн», дзе правёў увогуле дзевяць гадоў.

«Рапід»[правіць | правіць зыходнік]

Затым скаўты сталічнага клуба «Рапіда» заўважылі яго талент і ў 1998 годзе Іваншыц заключыў свой першы прафесійны кантракт з чэмпіёнамі Аўстрыі. Яму было ўсяго 16 гадоў, калі ён упершыню выйшаў на поле ў футболцы «Рапіда» — у кубкавым матчы супраць «Рансгофена» 26 кастрычніка 1999 года. У аўстрыйскай Бундэслізе Іваншыц дэбютаваў у 2000 годзе, у матчы супраць «Зальцбурга». У наступныя гады ў 177 матчах за венскі клуб ён забіў 27 мячоў, стаўшы ўладальнікам чэмпіёнскага тытула ў сезоне 2004/05. У 2003 годзе Андрэас быў прызнаны найлепшым футбалістам года ў Аўстрыі.

«Рэд Бул»[правіць | правіць зыходнік]

У студзені 2006 года футбаліст перайшоў у «Рэд Бул» з Зальцбурга, але прабыў там усяго палову сезона, бо ўжо ў жніўні ён адправіўся на правах арэнды ў адзін з вядучых грэчаскіх клубаў — афінскі «Панатынаікос».

«Панатынаікос»[правіць | правіць зыходнік]

Па заканчэнні тэрміна арэнды, 20 чэрвеня 2008 года Іваншыц пагадзіўся падпісаць з «Панатынаікосам» новае сталае пагадненне.

«Майнц»[правіць | правіць зыходнік]

У жніўні 2009 года перайшоў у клуб нямецкай Бундэслігі «Майнц 05», спачатку на правах арэнды, а ў 2011 годзе права на Іваншыца былі выкуплены «Майнцам» цалкам[3].

«Левантэ»[правіць | правіць зыходнік]

У чэрвені 2013 года падпісаў кантракт з іспанскім клубам «Левантэ». 11 чэрвеня 2015 стала вядома, што Іваншыц і «Левантэ» дамовіліся аб датэрміновым скасаванні кантракта, які павінен быў дзейнічаць яшчэ год[4].

Апошнія гады[правіць | правіць зыходнік]

У жніўні 2015 года ў якасці свабоднага агента падпісаў кантракт з клубам амерыканскай МЛС «Сіэтл Саўндэрс»[5]. У студзені 2017 года вярнуўся ў Еўропу, стаўшы іграком пльзенскай «Вікторыі». Пакінуў чэшскі клуб па заканчэнні сезона 2017/18.

У лістападзе 2018 года абвясціў аб завяршэнні прафесійнай кар’еры.

Нацыянальная зборная[правіць | правіць зыходнік]

У зборнай Аўстрыі Андрэас дэбютаваў 26 сакавіка 2003 года ў матчы супраць зборнай Грэцыі, ён быў выкліканы ў каманду тагачасным трэнерам зборнай Гансам Кранклем. У адборачным матчы чэмпіянату Еўропы супраць зборнай Чэхіі, які адбыўся 11 кастрычніка 2003 года, Іваншыц упершыню надзеў капітанскую павязку зборнай і стаў такім чынам ва ўзросце 19 гадоў і 361 дзень самым маладым капітанам у гісторыі аўстрыйскай нацыянальнай зборнай.

Дасягненні[правіць | правіць зыходнік]

Аўстрыя «Рапід»

Чэхія «Вікторыя»

Асабістае жыццё[правіць | правіць зыходнік]

Іваншыц паходзіць з музычнай сям’і, таму грае на розных музычных інструментах у свой вольны час.

Зноскі

Спасылкі[правіць | правіць зыходнік]