Андрэй Мікалаевіч Ланькоў

Андрэй Мікалаевіч Ланькоў
руск.: Андре́й Никола́евич Ланько́в
Дата нараджэння	26 ліпеня 1963(1963-07-26) (62 гады)
Месца нараджэння	Ленінград, РСФСР, СССР
Грамадзянства	СССР  Расія  Аўстралія
Род дзейнасці	гісторык, выкладчык універсітэта, усходазнавец, koreanologist
Месца працы	Універсітэт Кунмін Аўстралійскі нацыянальны ўніверсітэт
Навуковая ступень	кандыдат гістарычных навук (1989)
Альма-матар	усходні факультэт СПбДУ[d] (1986) Універсітэт імя Кім Ір Сена
Навуковы кіраўнік	Georgy Smolin[d]
Сайт	lankov.oriental.ru (руск.)

Андрэй Мікалаевіч Ланькоў (руск.: Андре́й Никола́евич Ланько́в; нар. 26 ліпеня 1963, Ленінград, РСФСР) — савецкі і расійскі ўсходазнаўца-карэязнаўца і публіцыст. Кандыдат гістарычных навук, прафесар.

Біяграфія

У 1986 годзе скончыў Усходні факультэт Ленінградскага дзяржаўнага ўніверсітэта. У 1989 годзе скончыў аспірантуру пры ўсходнім факультэце, абараніўшы дысертацыю па сярэднявечнай гісторыі Карэі на тэму «Партыі» і палітычная барацьба ў Карэі XVI—XVIII стагоддзяў. У 1989—1992 гадах выкладаў карэйскую мову і гісторыю Карэі на ўсходнім факультэце ЛДУ/СПбДУ.

У 1992—1996 гадах працаваў у Паўднёвай Карэі. З 1996 года па 2004 год выкладаў карэйскую мову і гісторыю ў Аўстралійскім нацыянальным універсітэце ў Канберы. У наш час ізноў працуе ў Паўднёвай Карэі, у сеульскім універсітэце Кунмін (кар. 국민대교), дзе атрымаў пасаду прафесара.

Да канца 2017 года рэгулярна публікаваўся ў якасці аглядальніка і каментатара ў англамоўнай паўднёвакарэйскай газеце «Карэя таймс».

Прыкладна з 2018 года з’яўляецца дырэктарам і калумністам сайта NK News, прысвечанаму навінам пра КНДР.