Андрэй Юр’евіч Пышнік

З пляцоўкі Вікіпедыя
Jump to navigation Jump to search
Футбол
Андрэй Пышнік
Агульная інфармацыя
Поўнае імя Андрэй Юр’евіч Пышнік
Нарадзіўся 1 лютага 1968(1968-02-01) (51 год)
Грамадзянства Сцяг Беларусі Беларусь
Пазіцыя паўабаронца
Кар’ера
Клубная кар’ера*
1988 Сцяг СССР Алга (Фрунзэ) 11 (0)
1989 Сцяг СССР Уралец (Уральск) 5 (0)
1989 — 1990 Сцяг СССР КІМ (Віцебск) 41 (2)
1991 Сцяг СССР Алга (Фрунзэ)
1992 — 1994 Сцяг Беларусі Тарпеда (Мінск) 61 (2)
1994 — 1996 Сцяг Беларусі Атака-Аўра (Мінск) 38 (1)
1995 →  Сцяг Беларусі Атака-Аўра-Д (Мінск) 5 (1)
1996 Сцяг Беларусі МПКЦ (Мазыр) 8 (0)
1997 Сцяг Беларусі Тарпеда (Мінск) 1 (0)
1998 — 2001 Сцяг Беларусі РВАР (Мінск) 46 (5)
Трэнерская кар’ера
2001 — 2003 Сцяг Беларусі РВАР (Мінск) трэнер
2003 — 2012 Сцяг Беларусі Дынама (Мінск) дубль
2012 — 2013 Сцяг Беларусі Беларусь (да 19)
2013 — 2014 Сцяг Беларусі Мінск дубль
2014 — 2015 Сцяг Беларусі Мінск
2016 — 2017 Сцяг Беларусі Тарпеда (Мінск)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў


Андрэй Пышнік (нар. 1 лютага 1968, Мінск) — былы беларускі футбаліст (гуляў на пазіцыі паўабаронцы), а потым трэнер.

Андрэй Пышнік з’яўляецца сынам вядомага беларускага трэнера Юрыя Антонавіча Пышніка.

Кар’ера[правіць | правіць зыходнік]

Ігравая[правіць | правіць зыходнік]

Выхаванец мінскай СДЮШАР-5, у савецкі час выступаў у Сярэдняй Азіі. З 1992 года выступаў за мінскае «Тарпеда», пазней гуляў за «Атаку-Аўру». У 1996 годзе разам з мазырскім МПКЦ стаў чэмпіёнам краіны. Апошнія гады кар’еры правёў у складзе мінскага РВАРа.

Трэнерская[правіць | правіць зыходнік]

З 2001 года стаў працаваць памочнікам свайго бацькі: спачатку ў РВАРы, потым у мінскім «Дынама» і юнацкіх зборных Беларусі. Пазней узначаліў дубль дынамаўцаў. Дадаткова ў верасні 2012 года стаў галоўным трэнерам юніёрскай зборнай Беларусі (юнакі 1995 года нараджэння). У снежні 2012 года быў звольнены з «Дынама».

У студзені 2013 года ўзначаліў дубль футбольнага клуба «Мінск», адначасова застаўшыся галоўным трэнерам юніёрскай зборнай[1]. Увосень 2013 года, пасля няўдалага выступу ў кваліфікацыі чэмпіянату Еўропы, зборная 1995 года спыніла існаванне, і Пышнік сканцэнтраваўся на працы з дублем «Мінска».

У чэрвені 2014 года, пасля адстаўкі Андрэя Скорабагацькі быў прызначаны выканаўцам абавязкаў, а неўзабаве — і галоўным трэнерам «Мінска»[2]. У сезоне 2014 прывёў каманду да сёмага месца ў чэмпіянаце, і застаўся галоўным трэнерам на сезон 2015. У новым сезоне каманда значны час ішла ўверсе табліцы і прэтэндавала на брозавыя медалі, але ў канцы атрымала пяць паражэнняў запар і ў выніку скончыла сезон на шостым месцы. Па заканчэнні сезону кантракт з трэнерам было вырашана не падаўжаць, і ў лістападзе 2015 года Пышнік пакінуў пасаду галоўнага трэнера «Мінска»[3]. Неўзабаве стала вядома, што Пышнік працягне працу ў клубе ў якасці спецыяліста па моладзевым футболе[4].

У чэрвені 2016 года быў прызначаны галоўным трэнерам мінскага «Тарпеда», якое выступала ў Першай лізе[5]. Па выніках сезону 2016 «Тарпеда» заняла дзявятае месца, а ў сезоне 2017 каманда доўгі час ішла сярод прэтэндэнтаў на выхад у Вышэйшую лігу, аднак у выніку стала трэцяй. У снежні 2017 года кантракт «Тарпеда» з Пышнікам быў разарваны[6].

У студзені 2015 года атрымаў трэнерскую ліцэнзію катэгорыі PRO[7].

Дасягненні[правіць | правіць зыходнік]

Зноскі

  1. ↑ Андрей Пышник возглавил дубль "Минска"
  2. ↑ Андрей Пышник. Минская смена
  3. ↑ Георгий Кондратьев назначен главным тренером "Минска"
  4. ↑ Андрей Пышник остается в "Минске"
  5. ↑ Минское "Торпедо" возглавил Андрей Пышник
  6. ↑ Андрей Пышник покинул пост главного тренера минского "Торпедо"
  7. ↑ Ермакович, Гольмак, Солодовников, Пышник и еще 15 белорусских специалистов сдали экзамен на категорию PRO

Спасылкі[правіць | правіць зыходнік]

Узята з "https://be.wikipedia.org/w/index.php?title=Андрэй_Юр’евіч_Пышнік&oldid=3056585"